പാറശാല: ഡൽഹിയിൽ പ്രവർത്തനം ആരംഭിച്ച നിത്യചൈതന്യ കളരിയുടെ പ്രവർത്തനങ്ങൾ ശ്രദ്ധേയമാകുന്നു. കേരളത്തിന്റെ പൈതൃകമായ കളരിപ്പയറ്റിനെ രാജ്യതലത്തിൽ എത്തിക്കുന്ന സ്ഥാപനമെന്ന നിർണായക പങ്കാണ് വഹിക്കുന്നത്. കളരിപ്പയറ്റിന്റെ ശുദ്ധമായ അദ്ധ്യാപന രീതികൾ പിന്തുടർന്ന് നിരവധി തലമുറകളെ പരിശീലിപ്പിച്ചു. അതിന്റെ ഭാഗമായി വിവിധ സംസ്ഥാനങ്ങളിലായി നടക്കുന്ന കലോത്സവങ്ങളിലും കായികമേളകളിലും കളരിപ്പയറ്റ് പ്രകടനങ്ങൾ അവതരിപ്പിക്കുന്നുണ്ട്. സംസ്ഥാനതലത്തിൽ യുവജന പങ്കാളിത്തം വർദ്ധിപ്പിക്കുന്നതിനായി പരിശീലന ക്യാമ്പുകളും നടത്തുന്നുണ്ട്.

ആധുനിക പരിശീലന സൗകര്യങ്ങളും ഗവേഷണപദ്ധതികളും ഉൾപ്പെടുത്തി വിദ്യാർത്ഥികൾക്കും ഗവേഷകർക്കും പഠനവും അഭ്യാസവും ഒരുമിച്ച് കൈമാറാനുള്ള സംവിധാനങ്ങളും തുടരുകയാണ്. വിവിധ രാജ്യങ്ങളിലെ കലാകായിക സ്ഥാപനങ്ങളിൽ നിന്ന് “പാരമ്പര്യ കലാരൂപ സംരക്ഷണത്തിനുള്ള പ്രത്യേക അംഗീകാരങ്ങളും” നിത്യചൈതന്യ കളരിക്ക് ലഭിച്ചിട്ടുണ്ട്. വിദേശ സർവകലാശാലകളിൽ നിന്ന് ഗവേഷണ-പരിശീലന സഹകരണത്തിനുള്ള ക്ഷണങ്ങളും ലഭിച്ചു. ലോകത്തിന്റെ വിവിധ ഭാഗങ്ങളിൽ സ്ഥിരമായ പരിശീലന കേന്ദ്രങ്ങൾ സ്ഥാപിക്കുക, ഗവേഷണപദ്ധതികൾ ആരംഭിക്കുക, അന്താരാഷ്ട്ര തലത്തിൽ സ്ഥിരസാന്നിദ്ധ്യം ഉറപ്പാക്കുക തുടങ്ങിയ പദ്ധതികളുമായി നിത്യചൈതന്യ കളരി മുന്നേറുകയാണ്.