തിരുവനന്തപുരം: ദേശീയ ബാലതരംഗവും കേരള ഗാന്ധി സ്മാരകനിധിയുമായി ചേർന്ന് ഒക്ടോബർ 2ന് ഒരുക്കുന്ന ആദ്യാക്ഷരവേദിയിൽ ഗുരുക്കന്മാർ ആദ്യക്ഷരം എഴുതിക്കും. ഇതോടൊപ്പം കലാപഠനവും ആരംഭിക്കും.

തൈക്കാട്ടെ ഗാന്ധിസ്മാരക നിധിയിൽ ഒരുക്കുന്ന വിദ്യാമണ്ഡപത്തിലാണ് ചടങ്ങുകൾ. കെ.മുരളീധരൻ, ഡോ.എൻ.രാധാകൃഷ്ണൻ,​സദാശിവൻ പൂവത്തൂർ,പിന്നണി ഗായകൻ പട്ടംസനിത്ത്,ഗിരിജ സുരേന്ദ്രൻ തുടങ്ങിയവർ ഗുരുക്കന്മാരായി എത്തുന്നു. വിദ്യാരംഭത്തിനും കലാപഠനാരംഭത്തിനും പങ്കെടുക്കാൻ താത്പര്യമുള്ളവർ 9895032521, 9447454231, 9847569029 എന്ന നമ്പറുകളിലോ തൈക്കാടുള്ള ഗാന്ധിസ്മാരകനിധിയിലോ salabhamela@gmail.com എന്ന മെയിലിലോ രജിസ്റ്റർ ചെയ്യണമെന്ന് ദേശീയബാലതരംഗം ചെയർമാൻ അഡ്വ.ടി.ശരത്ചന്ദ്രപ്രസാദും പ്രസിഡന്റ് ആദിത്യസുരേഷും അറിയിച്ചു.