കൽപ്പറ്റ: അഡ്വ. ടി.ജെ ഐസക് വയനാട് ഡി.സി.സി പ്രസിഡന്റ്. നിലവിൽ കൽപ്പറ്റ നഗരസഭാ ചെയർമാനാണ്. കെ.പി.സി.സി സെക്രട്ടറി, ഡി.സി.സി ജനറൽ സെക്രട്ടറി, യൂത്ത് കോൺഗ്രസ് കൽപ്പറ്റ ബ്ലോക്ക് വൈസ് പ്രസിഡന്റ്, കെ.എസ്.യു സംസ്ഥാന ജനറൽ സെക്രട്ടറി, കെ.എസ്.യു ജില്ലാ പ്രസിഡന്റ് തുടങ്ങിയ നിലകളിൽ പ്രവർത്തിച്ചിട്ടുണ്ട്. കെ.എസ്.യു സുൽത്താൻ ബത്തേരി സെന്റ് മേരീസ് കോളേജ് യൂണിറ്റ് പ്രസിഡന്റായാണ് പൊതുപ്രവർത്തന രംഗത്തെത്തുന്നത്. തുടർന്ന് യൂണിയൻ ചെയർമാനായി. കോഴിക്കോട് ലോ കോളേജ് യൂണിവേഴ്സിറ്റി യൂണിയൻ കൗൺസിലർ ആയിരുന്നു. ബത്തേരി സെന്റ് മേരീസ് കോളേജ്, കോഴിക്കോട് ലോ കോളജ്, ഫാറൂഖ് ട്രെയിനിംഗ് കോളേജ് എന്നിവിടങ്ങളിൽ പഠനം. എം.എ , എൽ.എൽ,ബി, ബി.എഡ് ബിരുദധാരിയാണ്. കൽപ്പറ്റ കോടതിയിൽ അഭിഭാഷകനായിരുന്നു. 13 വർഷം കൽപ്പറ്റ നഗരസഭയിൽ സ്റ്റാന്റിംഗ് കമ്മിറ്റി ചെയർമാനായിരുന്നു.