അമ്പലപ്പുഴ: കപ്പക്കട സബർമതി പുരുഷ സ്വയം സഹായ സംഘത്തിന്റെ ആഭിമുഖ്യത്തിൽ മെഗാ മെഡിക്കൽ ക്യാമ്പും ക്യാൻസർ രോഗ പരിശോധനയും നടത്തുന്നു. നാളെ രാവിലെ 9 ന് കപ്പക്കട എസ്.പ്രഭുകുമാറിന്റെ വസതിയിൽ കെ.സി.വേണുഗോപാൽ എം.പി ഉദ്ഘാടനം ചെയ്യും. ഗാന്ധി ജയന്തി വാരാഘോഷത്തിന്റെറെ ഭാഗമായാണ് മെഡിക്കൽ ക്യാമ്പ് സംഘടിപ്പിക്കുന്നത്.ഇതോടൊപ്പം തന്നെ ആലപ്പുഴ ഗവ. മെഡിക്കൽ കോളേജിലെ ക്യാൻസർ ചികിത്സാ വിഭാഗം, കമ്യൂണിറ്റി മെഡിസിൻ വിഭാഗം എന്നിവയുടെ സഹകരണത്തോടെ ക്യാൻസർ രോഗ പരിശോധനയും ബോധവത്കരകരണ പരിപാടിയും നടക്കും. ആലപ്പുഴ മെഡിക്കൽ കോളേജ് പ്രിൻസിപ്പൽ ഡോ.ബി.പദ്മകുമാർ മുഖ്യാതിഥിയാകും. ഡോ.ബി.പത്മകുമാർ, ഡോ.എ.അബ്ദുൾ സലാം, ഡോ.ജോർട്ട് ശ്രാമ്പിക്കൽ, ഡോ.വിശ്വകല വി.എസ്, ഡോ.മായ രാജു, ഡോ.സുരേഷ് രാഘവൻ, ഡോ.സജി കുമാർ എൻ.ആർ, ഡോ. പ്രവീൺ ജെ. നൈനാൻ, ഡോ.സിത്താർ റ്റി.കെ ,ഡോ.ആശ ആർ. മേനോൻ തുടങ്ങിയവർ ക്യാമ്പിന് നേതൃത്വം നൽകും.