ചാരുംമൂട്: മലയാള സാഹിത്യത്തിന് വിലമതിക്കാനാവാത്ത സംഭാവന നൽകിയ പ്രതിഭയായിരുന്നു പ്രയാർ പ്രഭാകരനെന്ന് മന്ത്രി സജി ചെറിയാൻ പറഞ്ഞു. പുരോഗമന കലാസാഹിത്യ സംഘം ചാരുംമൂട് ഏരിയാ കമ്മിറ്റിയുടെ നേതൃത്വത്തിൽ സംഘടിപ്പിച്ച പ്രയാർ പ്രഭാകരന്റെ ഒന്നാം അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. കലാസാഹിത്യ സംഘം ചാരുമൂട് ഏരിയ പ്രസിഡന്റ് വള്ളികുന്നം രാജേന്ദ്രൻ അധ്യക്ഷത വഹിച്ചു. ഏരിയാ സെക്രട്ടറി കെ. എൻ.ശ്രീകുമാർ സ്വാഗതം പറഞ്ഞു. സി.പി.എം ജില്ലാ സെക്രട്ടറിയേറ്റ് അംഗം കെ.രാഘവൻ, ജില്ലാ കമ്മിറ്റി അംഗങ്ങളായ ജി.രാജമ്മ, ബി.ബിനു, നാടക പ്രവർത്തക ജെ ഷൈലജ, പുരോഗമനകലാ സാഹിത്യ സംഘം ജില്ലാ സെക്രട്ടറി വിശ്വൻ പടനിലം,സംസ്ഥാന കമ്മറ്റി അംഗങ്ങളായ എം ജോഷ്വ, ഇലപ്പിക്കുളം രവീന്ദ്രൻ, ജോൺസൺ, ജില്ലാ കമ്മിറ്റി അംഗങ്ങളായ എം.പ്രസാദ്, രാധാകൃഷ്ണൻ ഉണ്ണിത്താൻ, പരമേശ്വരൻ പിള്ള, വനിതാ സാഹിതി ജില്ലാ പ്രസിഡന്റ് അഡ്വ.സഫിയ സുധീർ, സി.പി.എം ലോക്കൽ കമ്മിറ്റി സെക്രട്ടറി പി. മധു എന്നിവർ സംസാരിച്ചു.