ആലപ്പുഴ: വോട്ട് തിരിമറിക്കെതിരെ സമരം ശക്തമാക്കുവാൻ മാവേലിക്കര ബ്ലോക്ക് കോൺഗ്രസ് നേതൃയോഗം തീരുമാനിച്ചു. അഞ്ചു കോടി ഒപ്പുശേഖരണത്തിന്റെ ബ്ലോക്ക് തല ഉദ്ഘാടനം നാളെ കോൺഗ്രസ് പ്രവർത്തക സമിതി അംഗം കൊടിക്കുന്നിൽ സുരേഷ് എം.പി.നിർവഹിക്കും.കെ.എസ്.ആർ.ടി.സി ജംഗ്ഷനിൽ നടക്കുന്ന സമ്മേളനത്തിൽ ബ്ലോക്ക് പ്രസിഡന്റ് അനിവർഗീസ് അദ്ധ്യക്ഷത വഹിക്കും. കെ.പി.സി.സി ജനറൽ സെക്രട്ടറി കെ.പി ശ്രീകുമാർ മുഖ്യ പ്രഭാഷണം നടത്തും. ഡി.സി.സി വൈസ് പ്രസിഡന്റ് കെ.ആർ.മുരളീധരൻ കേന്ദ്ര-സംസ്ഥാന സർക്കാരുകൾക്കെതിരെയുള്ള കുറ്റപത്രം അവതരിപ്പിക്കും. നഗരസഭ ചെയർമാൻ നൈനാൻ സി.കുറ്റിശ്ശേരി, വൈസ് ചെയർപേഴ്സൺ ടി.കൃഷ്ണ കുമാരി, കെ.പി.സി.സി അംഗം അഡ്വ.കുഞ്ഞുമോൾ രാജു, യു.ഡി.എഫ് നിയോജക മണ്ഡലം ചെയർമാൻ കെ.ഗോപൻ, ഡി.സി.സി ജനറൽ സെക്രട്ടറി ലളിത രവീന്ദ്രനാഥ്, മണ്ഡലം പ്രസിഡന്റുമാരായ ജസ്റ്റിസൺ പാട്രിക്ക്, മാത്യു കണ്ടത്തിൽ സ്റ്റാന്റിംഗ് കമ്മിറ്റി ചെയർമാൻമാരായ സജീവ്പ്രായിക്കര ,ശാന്തി അജയൻ, ഡി.സി.സി അംഗങ്ങളായ പഞ്ചവടി വേണു, കണ്ടിയൂർ അജിത്ത്, കെ.സി.ഫിലിപ്പ് യു.ഡി.എഫ് ടൗൺ ചെയർമാൻ രമേശ് എന്നിവർ സംസാരിച്ചു.