മുഹമ്മ: മുഹമ്മ പഞ്ചായത്ത്‌ അതി ദരിദ്രമുക്ത പ്രഖ്യാപനവും ലൈഫ് വീടുകളുടെ താക്കോൽ കൈമാറലും വികസനരേഖ പ്രകാശിപ്പിക്കലും സംഘടിപ്പിച്ചു. മന്ത്രി പി. പ്രസാദ് ഉദ്ഘാടനം ചെയ്‌തു. പഞ്ചായത്ത്‌ പ്രസിഡന്റ് സ്വപ്ന ഷാബു അദ്ധ്യക്ഷയായി. ബ്ലോക്ക് പഞ്ചായത്ത്‌ പ്രസിഡന്റ് കെ. ഡി. മഹീന്ദ്രൻ അതിദരിദ്രമുക്ത പ്രഖ്യാപനവും ജില്ലാ പഞ്ചായത്ത്‌ മുൻ പ്രസിഡന്റ് ആർ. നാസർ വികസനരേഖ പ്രകാശിപ്പിക്കലും നടത്തി. പഞ്ചായത്ത്‌ വൈസ് പ്രസിഡന്റ് എൻ. ടി. റെജി, ബ്ലോക്ക് പഞ്ചായത്ത്‌ അംഗം സിന്ധു രാജീവ്, പഞ്ചായത്ത്‌ സ്ഥിരം സമിതി അധ്യക്ഷരായ സി. ഡി. വിശ്വനാഥൻ, എം. ചന്ദ്ര, പി. എൻ. നസീമ, സി. ഡി. എസ് ചെയർപേഴ്സൺ സേതുഭായി, സി പി എം ഏരിയ കമ്മിറ്റി അംഗം സി. കെ. സുരേന്ദ്രൻ, സി.പി.ഐ മണ്ഡലം സെക്രട്ടറി കെ.ബി.ബിമൽ റോയ്, കേരള കോൺഗ്രസ് എം.മുഹമ്മ മണ്ഡലം പ്രസിഡന്റ് സന്തോഷ് ഷൺമുഖൻ ,പഞ്ചായത്ത്‌ സെക്രട്ടറി എം. പി. മഹീധരൻ എന്നിവർ സംസാരിച്ചു.