ചേർത്തല: വയലാർ രാമവർമ്മയുടെ 50-ാം ചരമവാർഷികത്തിന്റെ ഭാഗമായി ചേർത്തല ശ്രീനാരായണ കോളേജിൽ മലയാളവിഭാഗത്തിന്റെയും ഒ.എസ്.സഞ്ജീവ് സ്മാരക സഞ്ജീവനം സാംസ്‌കാരിക സമിതിയുടെയും ആഭിമുഖ്യത്തിൽ വയലാർ കാവ്യോത്സവം 'ഈ മനോഹര തീരം' നടന്നു. കവിയും സാക്ഷരതാ മിഷൻ ജില്ലാ കോ–ഓർഡിനേറ്ററുമായ കെ.വി.രതീഷ് ഉദ്ഘാടനം ചെയ്തു. പ്രിൻസിപ്പൽ ഡോ.ടി.പി.ബിന്ദു അദ്ധ്യക്ഷയായി. വകുപ്പ് മേധാവി ടി.ആർ.രതീഷ് ആമുഖ പ്രഭാഷണം നടത്തി.ഡോ.എം.എസ്.ബിജു സംസാരിച്ചു.എം.എസ്.ശ്രീകാന്ത്,വിനോദ്ജേക്കബ്,ഡോ.പി.കെ.നിധീഷ്‌കുമാർ,ടി.എസ്.സർഷ,ഷീമ രാജൻ,പി.എസ്.ശിവപ്രിയ,എം.എ.
നിരഞ്ജന,അംവൃദ സുനിൽ,ഡിവൈൻ റോസ് സെബാസ്റ്റ്യൻ,ടീന ബിനു എന്നിവർ വയലാറിന്റെ കവിതകളും ഗാനങ്ങളും അവതരിപ്പിച്ചു.ഡോ.ഷീജ ജോർജ്, ഡോ.എൻ.സവിത, പി.പി.അഭിരാമി, എം.പി.മേഘ, എസ്.വൈഷ്ണവി, എസ്.ഭവ്യശ്രീ മാലിക എന്നിവർ വയലാറിന്റെ ഗാനങ്ങളുടെ നൃത്താവിഷ്‌കാരം അവതരിപ്പിച്ചു.