കൃഷ്ണപുരം : കാപ്പിൽ കിഴക്ക് ഏഴാം വാർഡിന്റെ വിവിധ ഭാഗങ്ങളിലും എട്ടാം വാർഡിന്റെ വിവിധ ഭാഗങ്ങളിലും കാട്ടുപന്നിശല്യം രൂക്ഷമായി​. നി​രവധി​ കർഷകരുടെ കരകൃഷി​യാണ് കാട്ടുപന്നി നശി​പ്പി​ച്ചത്. കാട്ടുപന്നി​ ആക്രമണം നി​ത്യസംഭവമായതോടെ നാട്ടുകാർ ആശങ്കയി​ലാണ്. കഴിഞ്ഞദി​വസം രാത്രി കർഷക കോൺഗ്രസ് കായംകുളം നിയോജക മണ്ഡലം പ്രസിഡന്റും മുൻ പഞ്ചായത്തംഗവുമായ വയലിൽ സന്തോഷിന്റെ 150ഓളം മൂഴ് മരച്ചീനി നശിപ്പിച്ചു. ഞക്കനാൽ കൂടത്തിനാൽ തറയിൽ ബദറുദീന്റെ കൃഷി​സ്ഥലത്തെ മരച്ചീനിയും ചേമ്പും നശിപ്പിക്കപ്പെട്ടു.

കാപ്പിൽ മേക്ക് പ്രദേശത്തും പുള്ളിക്കണക്ക് പ്രദേശത്തും മുൻ ദിവസങ്ങളിൽ കാട്ടുപന്നി​ ആക്രമണം ഉണ്ടായി​രുന്നു. പ്രദേശത്തെ കുറ്റിക്കാടുകളാണ് പകൽ സമയത്ത് കാട്ടുപന്നി​കളുടെ താവളം. കുറ്റിക്കാടുകൾ വെട്ടിത്തെളിക്കാൻ നടപടി സ്വീകരിക്കുകയും പഞ്ചായത്ത് ഷൂട്ടറെ നിയമിക്കുകയും വേണമെന്നാണ് നാട്ടുകാരുടെ ആവശ്യം. കാട്ടുപന്നി ആക്രമണത്തി​ൽ കൃഷി നഷ്ടപ്പെട്ട കർഷകർക്ക് അടിയന്തര ധനസഹായം നൽകണമെന്ന് കർഷക കോൺഗ്രസ് സംസ്ഥാന ജനറൽ സെക്രട്ടറി ചിറപ്പുറത്തു മുരളി ആവശ്യപ്പെട്ടു