പെരുമ്പാവൂർ: ഉംറ നിർവഹിച്ച് മടങ്ങവേ പെരുമ്പാവൂർ പള്ളിക്കവല മൗലൂദ്പുര ഈരേത്ത് വീട്ടിൽ ബീരാസ് അലിയാർ (55) റിയാദിൽ നിര്യാതനായി. ജിദ്ദയിൽ നിന്ന് നാട്ടിലേക്ക് തിരിച്ചു പോകുന്നതിനിടെ വിമാനത്തിൽ വച്ച് നെഞ്ചുവേദന അനുഭവപ്പെട്ടതിനെ തുടർന്ന് വിമാനം അടിയന്തരമായി ലാൻഡ് ചെയ്ത് റിയാദിലെ കിംഗ് ഫഹദ് ആശുപത്രിയിൽ എത്തിച്ചിച്ചിരുന്നു. എന്നാൽ തീവ്രപരിചരണ വിഭാഗത്തിൽ ചികിത്സയിലായിരിക്കെ മരിച്ചു. പെരുമ്പാവൂർ ചെമ്പാരത്ത് കുന്ന് മഹല്ലിൽ മദ്രസ അദ്ധ്യാപകനായിരുന്നു ബീരാസ്.
റിയാദിലെ കിംഗ് ഫഹദ് ആശുപത്രി മോർച്ചറിയിൽ സൂക്ഷിരിക്കുന്ന മൃതദേഹം ഔദ്യോഗിക നടപടികൾക്ക് ശേഷം ഇന്ന് റിയാദിൽ ഖബറടക്കും. സെൻട്രൽ കമ്മിറ്റി വെൽഫെയർ വിംഗിന്റെയും എറണാകുളം ജില്ലാ കെ.എം.സി.സി പ്രവർത്തകരുടെയും നേതൃത്വത്തിൽ തുടർ നടപടികൾ പുരോഗമിക്കുകയാണ്.
പിതാവ്: പരേതനായ അലിയാർ വീരാവു. മാതാവ്: പരേതയായ സുലൈഖ. ഭാര്യ: ആരിഫ മീതിയൻ. മക്കൾ: സൂഫിയ ഇ.ബി, മുഹമ്മദ് യാസീൻ, മുഹമ്മദ് ഹദ്ദാദ്, ഇസ്മത്ത് ചിശ്തി, ഗരീബ് നവാസ്. മരുമകൻ: മുനീർ.