കൊച്ചി: സ്‌പൈസസ് എക്‌സ്‌ട്രാക്ട് രംഗത്തെ മുൻനിര കമ്പനിയായ മാൻ കാൻകോറിന് നാല് ദേശീയ, അന്തർദേശീയ പുരസ്കാരങ്ങൾ. സസ്റ്റെയ്‌നബിൾ,​ സോഴ്സിംഗ്, ഇന്നവേഷൻ, ജീവനക്കാരുടെ ക്ഷേമം എന്നീ മേഖലകളിലെ മികവിന് എഫ്‌.ഐ ഇന്ത്യ 2025, ഇഫിയാറ്റ് 2025 , സി.ഐ.ഐ കേരള എച്ച്ആർ കോൺക്ലേവ് 2025 അവാർഡുകളാണ് ലഭിച്ചത്.

എഫ്‌.ഐ ഇന്ത്യ 2025ൽ സസ്റ്റെയ്‌നബിൾ സോഴ്സിംഗ് മികവിനുള്ള പുരസ്കാരം കമ്പനിയുടെ മിന്റ് പ്രോ​ഗ്രാം അർഹമായി. ഉത്തർപ്രദേശിലെ 550 ഗ്രാമങ്ങളിൽ കർഷകരുമായി സഹകരിച്ച് നടപ്പാക്കുന്ന പദ്ധതിയിലൂടെ ജലസേചനം 30 ശതമാനം കുറയ്ക്കാൻ സാധിച്ചു. ഇതിന് ഇഫിയാറ്റ് 2025-ലെ സസ്റ്റെയ്‌നബിലിറ്റി
പുരസ്കാരം ( വൻകിട കമ്പനികളുടെ വിഭാഗത്തിൽ രണ്ടാം സ്ഥാനം)​ മാൻ കാൻകോർ നേടി.

എഫ്‌.ഐ ഇന്ത്യ 2025-ൽ കമ്പനി അവതരിപ്പിച്ച സിചുവാൻ പെപ്പർ ഒലിയോറെസിൻ മികച്ച മൂന്ന് ഉത്പന്നങ്ങളിൽ ഒന്നായി തിരഞ്ഞെടുക്കപ്പെട്ടെന്ന് മാൻ കാൻകോർ സി.ഇ.ഒയും എക്സിക്യുട്ടീവ് ഡയറക്ടറുമായ ഡോ. ജീമോൻ കോര പറഞ്ഞു.