മരട്: നാലു കിലോ കഞ്ചാവുമായി അന്യസംസ്ഥാനക്കാരായ രണ്ട് പേരെ പിടികൂടി. ഒഡിഷ സ്വദേശികളായ ജഗന്നാഥ് നായിക് (24), സുനിൽ നായിക് (22) എന്നിവരെയാണ് പനങ്ങാട് പൊലീസ് അറസ്റ്റ് ചെയ്തത്.

രഹസ്യവിവരം ലഭിച്ചതിന്റെ അടിസ്ഥാനത്തിൽ പ്രതികൾ വാടകയ്ക്ക് താമസിച്ചിരുന്ന നെട്ടൂർ മസ്ജിദ് റോഡിലുള്ള വീട്ടിൽ വെള്ളിയാഴ്ച വൈകിട്ട് 7 ഓടെ പൊലീസ് നടത്തിയ പരിശോധനയിൽ 4.165 കിലോഗ്രാം കഞ്ചാവും ആപ്പിൾ ഐഫോൺ ഉൾപ്പെടെ രണ്ട് മൊബൈൽ ഫോണുകളും കണ്ടെടുത്തു. വില്പനയ്ക്കായി എത്തിച്ച കഞ്ചാവ് 4 പാക്കറ്റുകളിലാക്കി സൂക്ഷിച്ചിരിക്കുകയായിരുന്നു.