ഫോർട്ടുകൊച്ചി: റോ റോ ജെട്ടി ഇരുട്ടിലായിട്ട് മൂന്നാഴ്ച പിന്നിടുന്നു. സന്ധ്യ മയങ്ങിയാൽപിന്നെ റോ റോയുടെ വെളിച്ചവും സമീപത്തെ കടകളി​ലെ വെളി​ച്ചവും മാത്രമാണ് ജീവനക്കാർക്കും യാത്രക്കാർക്കും ആശ്വാസം. റോ റോയിലേക്ക് കയറാനും ഇറങ്ങാനും യാത്രക്കാർ ബുദ്ധിമുട്ടുകയാണ്.

നൂറ് കണക്കിന് യാത്രക്കാർക്ക് ഉപകാരമാകേണ്ട ജെട്ടിയിലെ വിളക്കുകളാണ് കണ്ണടച്ചിരിക്കുന്നത്. മൂന്നാഴ്ചയായി ഈ അവസ്ഥ തുടർന്നിട്ടും അധികൃതർ അനങ്ങുന്നേയി​ല്ല. റോ റോ ജീവനക്കാർക്കും വെളിച്ചമില്ലാത്തത് വലിയ ബുദ്ധിമുട്ടാണ് സൃഷ്ടിക്കുന്നത്. ടിക്കറ്റ് കൗണ്ടറും ഇരുട്ടിലാണ്. കഴിഞ്ഞ ദിവസംവരെ വൈപ്പിൻജെട്ടിയും ഇരുട്ടിലായിരുന്നു. കൊച്ചി കോർപ്പറേഷൻ റോ റോജെട്ടിയുടെ നവീകരണത്തിനായി ലക്ഷങ്ങളാണ് മുടക്കുന്നത്. എന്നിട്ടും ജെട്ടി​യി​ൽ വെളിച്ചമെത്തി​ക്കുന്നതി​ൽ അധി​കാരി​കൾ അനാസ്ഥ തുടരുകയാണ്.

വൈപ്പിനിൽനിന്നും ഫോർട്ടുകൊച്ചിയിൽനിന്നും വിദ്യാർത്ഥികളും യാത്രക്കാരും ഉൾപ്പടെ ദിനംപ്രതി ആയി​രങ്ങളാണ് സഞ്ചരിക്കുന്നത്. രണ്ട് റോ റോയിൽ ഒരെണ്ണം പലപ്പോഴും കട്ടപ്പുറത്താണ്. മൂന്നാമത്തെ റോ റോ ഉടൻ എത്തുമെന്ന് അധികാരികൾ പറയുന്നല്ലാതെ യാഥാർത്ഥ്യമാകുന്നി​ല്ല.

റോ റോജെട്ടിയിൽ അടിയന്തിരമായി വെളിച്ചമെത്തി​ക്കാൻ അധികാരികൾ സത്വരനടപടിൾ സ്വീകരിക്കണമെന്ന് സാമൂഹ്യ പ്രവർത്തകൻ എ. ജലാൽ ആവശ്യപ്പെട്ടു. അല്ലാത്തപക്ഷം ജലശയനം ഉൾപ്പെടെ പ്രക്ഷോഭത്തി​ന് രൂപം നൽകുമെന്ന് അദ്ദേഹം പറഞ്ഞു.