കാക്കനാട്: ആലുവ ഉപജില്ലാ ശാസ്ത്രോത്സവം കാക്കനാട് എം.എ. അബൂബക്കർ മെമ്മോറിയൽ എൽ.പി സ്കൂളിൽ തൃക്കാക്കര നഗരസഭാ ചെയർ പേഴ്സൺ രാധാമണിപിള്ള ഉദ്ഘാടനം ചെയ്തു. 130 ഓളം സ്കൂളുകളിൽ നിന്നായി 4500 ഓളം കുട്ടികൾ പങ്കെടുക്കുന്നു. ഇന്ന് സമാപിക്കും. സയൻസ്, സോഷ്യൽസ് സയൻസ്, ഗണിതം, പ്രവൃത്തിപരിചയം, ഇൻഫർമേഷൻ ടെക്നോളജി തുടങ്ങി അഞ്ച് മേഖലകളിലായാണ് മത്സരം നടക്കുക.

വിവിധ മത്സരങ്ങളുടെ ഉദ്ഘാടനം വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ നൗഷാദ് പല്ലച്ചി നിർവഹിച്ചു. കൗൺസിലർമാരായ ഉണ്ണി കാക്കനാട്, സി.സി. വിജു, അബ്ദുഷാന, എ.ഇ.ഒ സനൂജ എ. ഷംസു, എം.എ.എച്ച്.എസ് ഹെഡ്മിസ്ട്രസ് ബിബു പുരവത്ത്, സജന അലൻ, സി. വി.അഖില,അമൃത എന്നിവർ സംസാരിച്ചു.