കൂത്താട്ടുകുളം: കൂത്താട്ടുകുളം നഗരസഭയുടെയും കേരള സംസ്ഥാന യുവജന ക്ഷേമ ബോർഡിന്റെയും നേതൃത്വത്തിൽ ഇന്ന് മുതൽ 12 വരെ കൂത്താട്ടുകുളം നഗരസഭാ ഓഡിറ്റോറിയത്തിൽ കേരളോത്സവം സംഘടിപ്പിക്കും. കൂത്താട്ടുകുളം നഗരസഭാതല മത്സരങ്ങൾ വിവിധ ഗ്രൗണ്ടുകളിലും സ്റ്റേജുകളിലുമായി നടക്കും. ഇന്ന് രാവിലെ 10ന് കൂത്താട്ടുകുളം നഗരസഭ ടൗൺ ഹാളിൽ നഗരസഭ വൈസ് ചെയർമാൻ സുനിൽകുമാർ പി.ജി.യുടെ അദ്ധ്യക്ഷതയിൽ ചേരുന്ന യോഗം നഗരസഭ ചെയർപേഴ്സൺ കലാ രാജു ഉദ്ഘാടനം ചെയ്യും.