കാക്കനാട്: കാക്കനാട് കുന്നുംപുറം റോഡിലെ ജില്ലാ വാണിജ്യകേന്ദ്രത്തിന് സമീപമുള്ള തൃക്കാക്കര മുനി​സിപ്പൽ റോഡിൽ ഉപയോഗശൂന്യമായ വാഹനങ്ങൾ റോഡ് കൈയേറി ഇട്ടിരിക്കുന്നത് ദുരി​തംവി​തക്കുന്നു. പ്ലാസ്റ്റിക്, ഭക്ഷണമാലിന്യങ്ങളുംകൊണ്ട് നിറഞ്ഞിരിക്കുകയാണ് ഈ പൊതുവഴി. ഫ്ലാറ്റുകളും വാണിജ്യസമുച്ചയങ്ങളും വീടുകളും സ്ഥിതിചെയ്യുന്ന സ്ഥലത്താണ് ഈ ദുരവസ്ഥ. കാക്കനാട് ജില്ലാ ഭരണകൂടത്തിന്റെ സമീപമുള്ള റോഡിന്റെ അവസ്ഥ പരി​ഹരി​ക്കേണ്ട അധികാരികൾ കണ്ണടച്ചിരിക്കുകയാണ്.

വാണിജ്യ സമുച്ചയങ്ങൾ, ഫ്ലാറ്റുകൾ, നിരവധി വീടുകൾ എന്നിവിടങ്ങളിലേക്ക് പോകുന്ന പ്രധാന വഴിയാണിത്. തൃക്കാക്കരയിൽ തെരുവുനായകളുടെ വി​ളയാട്ടം അതിരൂക്ഷമായി നിൽക്കുന്ന സാഹചര്യത്തിലാണ് തെരുവ് നായ്ക്കളുടെ വാസകേന്ദ്രമായി മാലിന്യങ്ങൾ കൂട്ടിയിട്ടിരിക്കുന്ന ഈ റോഡ് മാറിയിരിക്കുന്നത്.

നൂറുകണക്കിന് കാൽനടയാത്രക്കാരും ഇരുചക്രവാഹനങ്ങളും പോകുന്ന ഈ വഴിയിൽ സന്ധ്യകഴിഞ്ഞാൽ സഞ്ചരിക്കാൻ പറ്റാത്ത അവസ്ഥയാണ്‌ ഇപ്പോൾ. നിരവധി പരാതികൾ അധികാരികൾക്ക് കൊടുത്തിട്ടുണ്ടെങ്കിലും ഇതുവരെ യാതൊരുവിധ നടപടികളും സ്വീകരിച്ചിട്ടില്ലെന്ന് നാട്ടുകാർ പരാതി​പ്പെടുന്നു. മാലിന്യം മാറ്റുന്നതിന് മുനി​സിപ്പൽ അധികാരികളും നടപടി​ സ്വീകരിക്കുന്നില്ലെന്ന് പ്രദേശവാസികൾ പറയുന്നു.

ഉപയോഗശൂന്യമായ നിരവധി വാഹനങ്ങൾ വർഷങ്ങളായി റോഡിൽ കൂട്ടിയിട്ടിരിക്കുകയാണ്. ഉടമസ്ഥർ ആരാണെന്ന് അറിയാത്തതിലും ദുരൂഹതയുണ്ട്. അധികാരികൾ അടി​യന്തര വിഷയത്തിൽ ഇടപെടണം.

റെസി.അസോസിയേഷൻ

ഭാരവാഹികൾ

മുനി​സിപ്പൽ റോഡ് കൈയേറി റോഡിൽ ഇട്ടിരിക്കുന്ന ഉപയോഗശൂന്യമായ വാഹനങ്ങളും മാലിന്യക്കൂമ്പാരങ്ങളും അടി​യന്തരമായി​ മാറ്റണമെന്ന് ആവശ്യപ്പെട്ട് കളക്ടർക്ക് പരാതി കൊടുക്കും.

പ്രമേഷ് വി.ബാബു,

സി.പി.ഐ തൃക്കാക്കര ഈസ്റ്റ് ലോക്കൽ സെക്രട്ടറി

കൂട്ടിയിട്ടിരിക്കുന്ന വാഹനങ്ങൾ മാറ്റുവാനും മാലിന്യം നീക്കംചെയ്യുന്നതിന് വേണ്ടിയുള്ള നടപടികൾ ഉടൻ ആരംഭിക്കും.

റാഷിദ് ഉള്ളംപള്ളി

വാർഡ് കൗൺസിലർ