മൂവാറ്റുപുഴ: മൂവാറ്റുപുഴ മോഡൽ സ്കൂൾ ഗ്രൗണ്ടിൽ കഴിഞ്ഞ നാല് ദിവസങ്ങളിലായി നടന്ന ഉപജില്ല സ്കൂൾ കായികമേള സമാപിച്ചു. 274 പോയിന്റ് നേടി വീട്ടൂർ എബനേസർ ഹയർ സെക്കൻഡറി സ്കൂൾ ചാമ്പ്യന്മാരായി. കഴിഞ്ഞ രണ്ടു വർഷവും വിജയികളായ എബനേസറിന്റെ ഹാട്രിക് വിജയം കൂടിയാണിത്. ഗെയിംസ് മത്സരങ്ങളിലും 59 പോയിന്റ് നേടി എബനേസർ ഓവറോൾ ചാമ്പ്യൻഷിപ്പ് നേടി. 199 പോയിന്റ് നേടിയ സെന്റ് അഗസ്റ്റിൻസ് സ്കൂൾ, 124 പോയിന്റ് നേടി തർബിയത്ത് സ്കൂളും രണ്ടും മൂന്നും സ്ഥാനം കരസ്ഥമാക്കി.

സമാപന സമ്മേളനം നഗരസഭ വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ ജോസ് കുര്യാക്കോസ് ഉദ്ഘാടനം ചെയ്തു.ആരോഗ്യ സ്റ്റാൻഡിംഗ് കമ്മിറ്റി ചെയർമാൻ അബ്ദുൾ സലാം അദ്ധ്യക്ഷത വഹിച്ചു.