ചോറ്റാനിക്കര; മെട്രോ ചോറ്റാനിക്കരയിലേയ്ക്ക് നീട്ടണമെന്ന് ബി.ജെ.പി ചോറ്റാനിക്കര മണ്ഡലം സമ്പൂർണസമിതി ആവശ്യപ്പെട്ടു. മെട്രോ നീട്ടിയാൽ ദക്ഷിണേന്ത്യയിൽ ഏറ്റവും പ്രധാനപ്പെട്ട തീർത്ഥാടന കേന്ദ്രങ്ങളിൽ ഒന്നായ ചോറ്റാനിക്കര ഭഗവതി ക്ഷേത്രത്തിലേക്ക് അന്യസംസ്ഥാനങ്ങളിൽ നിന്നെത്തുന്ന ഭക്തജനങ്ങൾക്ക് ഉൾപ്പെടെ നഗരത്തിന്റെ ഗതാഗതക്കുരുക്കിൽപ്പെടാതെ വളരെ പെട്ടെന്ന് എത്തിച്ചേരാനാകും. തൃപ്പൂണിത്തുറ മെട്രോസ്റ്റേഷനിൽനിന്ന് നാല് കിലോമീറ്റർ മാത്രമാണ് ചോറ്റാനിക്കര ക്ഷേത്രനഗരിയിലേക്ക് ഉള്ളത്.

ബി.ജെ.പി ചോറ്റാനിക്കര മണ്ഡലം സമ്പൂർണസമിതി മണ്ഡലം പ്രഭാരി സിജു ഗോപാലകൃഷ്ണൻ ഉദ്ഘാടനം ചെയ്തു. ചോറ്റാനിക്കര മണ്ഡലം പ്രസിഡന്റ് ടി.കെ. പ്രശാന്ത് അദ്ധ്യക്ഷനായി. ജില്ലാ ഉപാദ്ധ്യക്ഷൻ വി.എസ്. സത്യൻ മുഖ്യപ്രഭാഷണം നടത്തി. സംസ്ഥാന കൗൺസിൽ അംഗം പി.കെ. സജോൾ. ജില്ലാ വൈസ് പ്രസിഡന്റ്‌ എൻ.എം. സുരേഷ്, കെ.എസ്. പ്രതീപ്, സി.എൻ. വേണു, സിന്ധു ഹരീഷ്. പഞ്ചായത്ത് പ്രസിഡന്റ് കെ.ഡി. മുരളീധരൻ എന്നിവർ സംസാരിച്ചു.