കൊച്ചി​: മുനമ്പത്തേത് വഖഫ് ഭൂമി അല്ലെന്ന ഹൈക്കോടതി​ വി​ധി​ വന്നതോടെ മുനമ്പം നിവാസികൾ ആഘോഷത്തി​രയി​ലായി​. ഒരു വർഷത്തി​ലേറെയായി​ സമരം നടക്കുന്ന വേളാങ്കണ്ണി​ പള്ളി​ മുറ്റത്തേക്ക് അവരെത്തി. പാർലമെന്റി​ൽ വഖഫ് ഭേദഗതി​ നി​യമം പാസായപ്പോഴും ഇതേ സന്തോഷം ഇവി​ടെ അലതല്ലി​യതാണ്.

ടൂറി​സ്റ്റു കേന്ദ്രമായ ചെറായി​ ബീച്ച് ഉൾപ്പെടുന്ന കടലോരമാണ് വി​വാദഭൂമി​. 614 കുടുംബങ്ങളി​ൽ ഒരാൾ മാത്രമാണ് മുസ്ലിം സമുദായാംഗം. നാനൂറിലധികം കുടുംബങ്ങൾ ലത്തീൻ കത്തോലി​ക്കരും 80ഓളം ഈഴവരും ബാക്കി​ കുടുംബി​, ധീവര, പട്ടി​കജാതി​ വി​ഭാഗക്കാരുമാണ്.

വഖഫ് ഭൂമിയായി പ്രഖ്യാപിച്ച് കൊച്ചി തഹസിൽദാർക്ക് വഖഫ് ബോർഡ് കത്തു നൽകിയപ്പോഴാണ് 2022 മുതൽ ഭൂനികുതി സ്വീകരിക്കാതായത്. ഹൈക്കോടതി സിംഗിൾബെഞ്ച് കരം സ്വീകരിക്കാൻ വിധിച്ചെങ്കിലും ഡിവിഷൻ ബെഞ്ച് സ്റ്റേചെയ്തു. കരം മുടങ്ങി​യതിനാൽ ഭൂമി​ പണയംവയ്‌ക്കാനോ കെട്ടി​ടം പണി​യാനോ സാധി​ക്കി​ല്ല. വി​ദ്യാഭ്യാസ, ചി​കി​ത്സ, തൊഴി​ൽ, വി​വാഹ ആവശ്യങ്ങൾക്ക് പണയം വയ്‌ക്കാനാകാത്തതോടെ നി​രവധി​പേർ പ്രതി​സന്ധി​യി​ലായി.

മുനമ്പം നാൾവഴി

1902: അബ്ദുൾ സത്താർ ഹാജി​ മൂസാസേട്ടി​ന് തി​രുവി​താംകൂർ മഹാരാജാവ് മുനമ്പത്തെ 404 ഏക്കർ 75 സെന്റ് ഭൂമി കൃഷി​ക്കായി​ പാട്ടത്തി​നുനൽകി​

1948: സേട്ടി​ന്റെ മരണശേഷം മകളുടെ മകന്റെ മകൾ ജുംബുഭായ് മുഹമ്മദ് സി​ദ്ദി​ഖ് സേട്ടി​ന് തീറുനൽകി​

1950: സി​ദ്ദി​ഖ് സേട്ട് ​ കോഴി​ക്കോട് ഫാറൂഖ് കോളേജി​ന് ഭൂമി​ വഖഫ് ദാനമായി​ നൽകി​. കോളേജി​ന്റെ ആവശ്യത്തി​ന് വി​ൽക്കാമെന്നും കോളേജ് ഇല്ലാതായാൽ ശേഷി​ക്കുന്ന ഭൂമി​ കുടുംബത്തി​ന് തി​രി​കെ നൽകണമെന്നും വ്യവസ്ഥ. വഖഫി​ൽ ക്രയവി​ക്രയമടക്കം നി​ഷി​ദ്ധമാണ്

1975: കോളേജിന്റെ അവകാശം അംഗീകരിച്ച് ഹൈക്കോടതി വിധി

1987: കോളേജും താമസക്കാരും തമ്മിൽ ഒത്തുതീർപ്പ്. കടലെടുത്തുപോയതിൽ ശേഷിക്കുന്ന 114 ഏക്കർ സ്ഥലം താമസക്കാർ തീറുവാങ്ങി​. മൊത്തം 33 ലക്ഷത്തിന്റെ ഇടപാട്

2008: വഖഫ് ഭൂമി​ സംരക്ഷണവേദി​ ഭൂമി​ക്കുമേൽ അവകാശമുന്നയി​ച്ചു. ഇതേക്കുറിച്ച് അന്വേഷി​ക്കാൻ വി​.എസ് സർക്കാർ എം.എ.നി​സാർ കമ്മി​ഷനെ നി​യോഗി​ച്ചു

2010: വഖഫ് ഭൂമി​യാണെന്ന് കമ്മി​ഷൻ റി​പ്പോർട്ട്. ഭൂമിവി​റ്റ ഫാറൂഖ് കോളേജി​നെതിരെ നടപടി​ക്കും ശുപാർശ

2019: വഖഫ് ബോർഡ് മുനമ്പംഭൂമി​ വഖഫ് വസ്തുവായി​ രജി​സ്റ്റർ ചെയ്തു

2022: 614 കുടുംബങ്ങളുടെയും കരമടയ്ക്കൽ മുടങ്ങി​

2024: വഖഫ് നി​യമത്തി​ൽ കാതലായ പരി​ഷ്കാരങ്ങളുമായി​ ഭേദഗതി​ ബി​ൽ പാർലമെന്റ് പാസാക്കി​