മൂവാറ്റുപുഴ : യു.ഡി.എഫ് ഭരണസമിതികളുടെ അഴിമതിക്കും കെടുകാര്യസ്ഥതയ്ക്കും വികസന മുരടിപ്പിനുമെതിരെ മാറാടി പഞ്ചായത്ത് ഓഫീസിന് മുന്നിലേയ്ക്ക് എൽ.ഡി.എഫ് ജനകീയ മാർച്ചും കുറ്റപത്രം സമർപ്പണവും നടത്തി. യോഗം സി.പി.എം ഏരിയാ സെക്രട്ടറി അഡ്വ. അനീഷ് എം. മാത്യു ഉദ്ഘാടനം ചെയ്തു. സി.പി.ഐ ലോക്കൽ സെക്രട്ടറി ബെൻസി മണിത്തോട്ടം അദ്ധ്യക്ഷത വഹിച്ചു. എം. എൻ.മുരളി, ടി.എൻ. മോഹനൻ, എം.പി. ലാൽ, കെ.വൈ .മനോജ്, ലത ശിവൻ തുടങ്ങിയവർ സംസാരിച്ചു. തുടർന്ന് പഞ്ചായത്ത് സെക്രട്ടറിക്ക് കുറ്റപത്രം നൽകി.