പെരുമ്പാവൂർ: പെരുമ്പാവൂർ പൊലീസ് സ്റ്റേഷൻ പരിധിയിൽ റോഡപകടങ്ങൾ വർദ്ധിക്കുന്നതായി വിവരാവകാശ രേഖ. 2020 മുതൽ 2025 ജൂലൈ വരെ മേഖലയിൽ 1660 റോഡപകടങ്ങൾ നടന്നതായും 113 പേർ മരണമടഞ്ഞതായും മനുഷ്യാവകാശ,​ പരിസ്ഥിതി സംഘടനയായ മാനവദീപ്തി പ്രസിഡന്റ് വർഗീസ് പുല്ലുവഴിക്ക് സ്റ്റേഷൻ അധികൃതർ നൽകിയ വിവരാവകാശ രേഖയിൽ പറയുന്നു.

പെരുമ്പാവൂർ മുനിസിപ്പാലിറ്റിയും ഒക്കൽ, വെങ്ങോല, വാഴക്കുളം ഗ്രാമപഞ്ചായത്തുകളും രായമംഗലം പഞ്ചായത്തിലെ വട്ടയ്ക്കാട്ടുപടി ഭാഗവുമാണ് പെരുമ്പാവൂർ പൊലീസ് സ്റ്റേഷൻ പരിധിയിൽ ഉൾപ്പെടുന്നത്. 2020 , 2021, 2022 വർഷങ്ങളിൽ യഥാക്രമം 231, 238, 281 അപകടങ്ങളാണ് ഉണ്ടായത്. 2023, 2024 വർഷങ്ങളിൽ 339, 340 വീതം അപകടങ്ങളുണ്ടായി. 2025 ൽ ജൂലൈ വരെ 231 അപകടങ്ങൾ റിപ്പോർട്ട് ചെയ്തുകഴിഞ്ഞു.