ആലുവ: വ്യാഴാഴ്ച നിര്യാതനായ ആർ.എസ്.എസ് മുൻ കേരള പ്രാന്തസംഘചാലക് പി.ഇ.ബി. മേനോന് ആയിരങ്ങൾ അന്ത്യാഞ്ജലി അർപ്പിച്ചു. വെളിയത്തുനാട് തന്ത്രവിദ്യാപീഠത്തിലായിരുന്നു സംസ്കാരചടങ്ങുകൾ. മകൻ വിഷ്ണുപ്രസാദ് ചിതയ്ക്ക് അഗ്‌നി പകർന്നു.

ആർ.എസ്.എസ് മുൻ സഹസർകാര്യവാഹ് വി. ഭാഗയ്യ, അഖില ഭാരതീയ സഹശാരീരിക് പ്രമുഖ് ഒ.കെ. മോഹനൻ, ദക്ഷിണ ക്ഷേത്രീയ പ്രചാരക് ഹരികൃഷ്ണകുമാർ, ക്ഷേത്രീയ കാര്യകാരി സദസ്യൻ പി.ആർ. ശശിധരൻ, ദക്ഷിണ കേരള പ്രാന്ത സംഘചാലക് പ്രൊഫ. എം.എസ്. രമേശ്, ഉത്തരകേരള പ്രാന്ത സംഘചാലക് അഡ്വ. കെ.കെ. ബാലറാം, മുതിർന്ന പ്രചാരകൻ എസ്. സേതുമാധവൻ, സീമാ ജാഗരൺ മഞ്ച് സംരക്ഷക് എ. ഗോപാലകൃഷ്ണൻ, ദക്ഷിണ കേരള പ്രാന്ത കാര്യവാഹ് ടി.വി. പ്രസാദ് ബാബു, ഉത്തരകേരള പ്രാന്ത കാര്യവാഹ് പി.എൻ. ഈശ്വരൻ, ദക്ഷിണ കേരള പ്രാന്ത പ്രചാരക് എസ്. സുദർശൻ, ഉത്തരകേരള പ്രാന്ത പ്രചാരക് ആ. വിനോദ്, ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്‌നം ജ്ഞാന തപസ്വി, മിസോറാം മുൻ ഗവർണർ കുമ്മനം രാജശേഖരൻ, ശബരിമല മുൻ മേൽശാന്തിമാരായ ബാലമുരളി, മൂവാറ്റുപുഴ മഹേഷ് നമ്പൂതിരി തുടങ്ങിയവർ പങ്കെടുത്തു.

ആലുവ ടൗൺ ഹാളിൽ പൊതുദർശനത്തിന് വച്ച ഭൗതികദേഹത്തിൽ പ്രജ്ഞാ പ്രവാഹ് ദേശീയ സംയോജകൻ ജെ. നന്ദകുമാർ, ആർ.എസ്.എസ്. നേതാക്കളായ എം. രാധാകൃഷ്ണൻ, എ.ആർ. മോഹനൻ, കെ.ബി. ശ്രീകുമാർ, കെ. പ്രശാന്ത്, അൻവർ സാദത്ത് എംഎൽഎ, ഹിന്ദു ഐക്യവേദി സംസ്ഥാന രക്ഷാധികാരി കെ.പി. ശശികല, സംസ്ഥാന അദ്ധ്യക്ഷൻ ആർ.വി. ബാബു, വർക്കിംഗ് പ്രസിഡന്റ് വൽസൻ തില്ലങ്കേരി, ബാലസംസ്‌കാരകേന്ദ്രം ചെയർമാൻ പി.കെ. വിജയരാഘവൻ, നടന്മാരാ സിദ്ധിഖ്, ദേവൻ, നിർമ്മാതാവ് സുരേഷ്‌കുമാർ, മുൻ എം.പി കെ.പി. ധനപാലൻ, മുൻമന്ത്രി എസ്. ശർമ്മ, എസ്.എൻ.ഡി.പി യോഗം ആലുവ യൂണിയൻ പ്രസിഡന്റ് സന്തോഷ് ബാബു, കേസരി മുഖ്യപത്രാധിപർ ഡോ.എൻ.ആർ. മധു തുടങ്ങി നിരവധി പ്രമുഖർ ആദരാഞ്ജലി അർപ്പിച്ചു.