പെരുമ്പാവൂർ: ശ്രീനാരായണ ഗുരുവിനെ മഹാത്മാഗാന്ധി ശിവഗിരിയിൽ സന്ദർശിച്ചതിന്റെ ശതാബ്ദി ആഘോഷം ഗുരുകുലം സ്റ്റഡി സർക്കിൾ എറണാകുളം ജില്ലാ സമിതിയുടെ ആഭിമുഖ്യത്തിൽ എസ്.എൻ.ഡി.പി യോഗം മുടിക്കൽ ശാഖ ഹാളിൽ സംഘടിപ്പിച്ചു. തോട്ടുവ മംഗളഭാരതി അദ്ധ്യക്ഷ സ്വാമിനി മാതാ ജ്യോതിർമയി ഭാരതി ഉദ്ഘാടനം ചെയ്തു. സ്റ്റഡി സർക്കിൾ സ്റ്റേറ്റ് കോ ഓർഡിനേറ്റർ എം.എസ്. സുരേഷ് അദ്ധ്യക്ഷനായി. പ്രൊഫ. ഡോ. ആർ. അനിലൻ മുഖ്യ പ്രഭാഷണം നടത്തി. രചനാ ശതാബ്ദിയുടെ നിറവിൽ നിൽക്കുന്ന ഗുരു കൃതികളായ ഹോമമന്ത്രത്തെക്കുറിച്ച് പി.വി. നിഷാന്ത്, നാരായണ സ്‌മൃതിയെക്കുറിച്ച് ഡോ. സുമ ജയചന്ദ്രൻ എന്നിവർ ക്ലാസെടുത്തു. കെ.പി. ലീലാമണി, ശാഖ പ്രസിഡന്റ്‌ എം.എസ്. ജിനേഷ്, സെക്രട്ടറി മഞ്ജുഷ, സുനിൽ മാളിയേക്കൽ, എ.കെ. മോഹനൻ, ഷാജി പഴയിടം, പി.കെ. ഷിജു, ജയ രാജൻ, പി.എസ്. ശ്യാമ, കെ.എസ്. അഭിജിത്, മായാ സാലു, എൻ.പി. വിപിൻ, ദേവദത്ത് ദിപു എന്നിവർ സംസാരിച്ചു