കാക്കനാട്: ജില്ലാ പഞ്ചായത്തിന്റെ കീഴിലുള്ള തമ്മനം, കളമശേരി, ഞാറയ്ക്കൽ ഫാഷൻ ഇൻസ്റ്റിറ്റ്യൂട്ടിലെ പുതിയ ബാച്ചിന്റെ പ്രവേശനോത്സവവും കോഴ്സ് പൂർത്തിയാക്കിയ വിദ്യാർത്ഥികളുടെ ഫാഷൻഷോയും സംഘടിപ്പിച്ചു. ജില്ലാ പഞ്ചായത്ത് പ്രിയദർശിനി ഹാളിൽ ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ ഉദ്ഘാടനം ചെയ്തു. വൈസ് പ്രസിഡന്റ് എൽസി ജോർജ് അദ്ധ്യക്ഷയായി. കളക്ടർ ജി. പ്രിയങ്ക മുഖ്യാതിഥിയായിരുന്നു.

ജില്ലാ പഞ്ചായത്ത് അംഗങ്ങളായ എ.എസ്. അനിൽകുമാർ, കെ.വി. അനിത, ജില്ലാ പഞ്ചായത്ത് സെക്രട്ടറി പി.എം. ഷെഫീക്ക് എന്നിവർ പ്രസംഗിച്ചു.