അങ്കമാലി: സഹകരണ ബാങ്കുകളിൽ നിക്ഷേപിച്ച പണം തിരിച്ച് കിട്ടാതെ വഞ്ചിക്കപ്പെട്ട നിക്ഷേപകരുടെ സംസ്ഥാനതല കൂട്ടായ്മയായ ആൾ കേരള കോ-ഓപ്പറേറ്റീവ് ഡിപ്പോസിറ്റേഴ്സ് ഫോറത്തിന്റെ നേതൃത്വത്തിൽ സെക്രട്ടേറിയറ്റ് സമരം നടത്തും. അങ്കമാലി സി.എസ്.എ. ഓഡിറ്റോറിയത്തിൽ കൂടിയ ആൾ കേരള കോ-ഓപ്പറേറ്റീവ് ഡിപ്പോസിറ്റേഴ്സ് ഫോറത്തിന്റെ പ്രഥമ യോഗത്തിൽ 420 പേർ പങ്കെടുത്തു. തെന്നല കോ- ഓപ്പറേറ്റീവ് ബാങ്കിലെ നിക്ഷേപം തിരിച്ച് കിട്ടാത്തവരുടെ സംഘടനയുടെ സെക്രട്ടറി എം.പി. ഹരിദാസ് ഉദ്ഘാടനം ചെയ്തു. അങ്കമാലി അർബൻ സഹകരണ സംഘം നിക്ഷേപ സംരക്ഷണ സമിതിയുടെ പ്രസിഡന്റ് പി.എ.തോമസ് അദ്ധ്യക്ഷനായിരുന്നു. സെക്രട്ടറി യോഹന്നാൻ വി. കൂരൻ,​ സി.പി. സെബാസ്റ്റ്യൻ, ഡോ.ജോർജ് എം. ജെ. തെന്നല, വിൽസൻ പി.ഐ , കെ.കെ. മത്തായി, സി.എ.തോമസ്, രഘുദേവ് എൻ, സാബു മാത്യു, ടി.കെ. ചെറിയാക്കു, മുഹമ്മദ് ഇബരീസ് തെന്നല എന്നിവർ സംസാരിച്ചു.

ആൾ കേരള കോ-ഓപ്പറേറ്റീവ് ഡിപ്പോസിറ്റേഴ്സ് ഫോറത്തിന്റെ പുതിയ ഭാരവാഹികളായി പി.എ.തോമസ് (പ്രസിഡന്റ്),​ റോയ് വെള്ളരിങ്ങാട്ട്, പ്രൊഫ. രഘു ദേവ് കറുകച്ചാൽ (വൈസ് പ്രസിഡന്റുമാർ),​ പ്രൊഫ. എം. ജെ. ജോർജ് തെന്നല (സെക്രട്ടറി), എം.പി. ഹരിദാസ് (ട്രഷറർ), പി.ഐ. വിൽസൻ പെരുമ്പാവൂർ, വി.ഡി. പൗലോസ് (ജോ. സെക്രട്ടറിമാർ) എന്നിവരെ തിരഞ്ഞെടുത്തു. ഫോൺ: 8281421323.