പള്ളുരുത്തി: ശ്രീനാരായണ ആദർശ യുവജനസംഘം കുടുംബസംഗമവും ആദരിക്കൽ ചടങ്ങും 20 ന് നടക്കും. രാവിലെ 11ന്പുല്ലാർദേശം എസ്.എൻ നഗറിൽ നടക്കുന്ന പരിപാടി ഹൈബി ഈഡൻ എം.പി ഉദ്ഘാടനം ചെയ്യും. ചടങ്ങിൽ പത്രാധിപർ കെ. സുകുമാരൻ പുരസ്കാര ജേതാവും കേരളകൗമുദി പശ്ചിമകൊച്ചി ലേഖകനുമായ സി.എസ്. ഷിജുവിനെ ഹൈബി യുവജന സംഘത്തിന്റെ പുരസ്കാരം നൽകി ആദരിക്കും. പ്രസിഡന്റ് അപ്പു പുല്ലാര അദ്ധ്യക്ഷനാകും.

സ്റ്റാൻഡിംഗ് കമ്മിറ്റി ചെയർമാൻമാരായ ടി.കെ. അഷറഫ്, വി.എ. ശ്രീജിത്ത്, സിനിമാതാരങ്ങളായ സുധി കോപ്പ, സാജൻ പള്ളുരുത്തി, ഐശ്വര്യ അനിൽകുമാർ, ഗായകൻ പ്രദീപ് പള്ളുരുത്തി, സി.ആർ. സുധീർ, തമ്പി സുബ്രഹ്മണ്യം, പി.പി. ജേക്കബ്, കെ.കെ. സുദേവ്, കെ.കെ. റോഷൻകുമാർ, സെക്രട്ടറി റാംജി തുടങ്ങിയവർ സംബന്ധിക്കും.