കോലഞ്ചേരി: വാര്യർ ഫൗണ്ടേഷൻ, കൈവല്യമിത്ര ഫാർമർ പ്രൊഡ്യൂസർ കമ്പനിയുമായി ചേർന്നു നടപ്പാക്കുന്ന ജൈവഗ്രാമം പദ്ധതിയുടെ ഭാഗമായി 50 ശതമാനം വിലക്കുറവിൽ നൽകുന്ന ജൈവവളങ്ങളുടെ രണ്ടാംഘട്ട വിതരണോദ്ഘാടനം മഴുവന്നൂർ പഞ്ചായത്ത് അംഗവും വാരിയർ ഫൗണ്ടേഷൻ രക്ഷാധികാരിയുമായ ജോർജ് ഇടപ്പരത്തി നിർവഹിച്ചു. ഫൗണ്ടേഷൻ കൺവീനർ അനിയൻ പി. ജോൺ അദ്ധ്യക്ഷനായി. വൈസ് ചെയർമാൻ കെ.എസ്. കൃഷ്ണകുമാർ, കൈവില്യ മിത്ര ഫാർമർ പ്രൊഡ്യൂസർ കമ്പനി ഭാരവാഹികളായ ജോബി വള്ളിക്കാട്ടിൽ, പി.കെ. കുട്ടികൃഷ്ണൻ നായർ, ഏലിയാസ് ജോൺ, അബു അബ്രഹാം, മോഹനൻ നായർ, പി. പ്രകാശ്, കെ.എസ്. സുദർശനൻ, വില്യംസ് കെ. അഗസ്​റ്റിൻ എന്നിവർ സംസാരിച്ചു. വേപ്പിൻ പിണ്ണാക്ക്, എല്ലുപൊടി, അടിവളങ്ങൾ എന്നിവയുടെ 25 ടൺ വളങ്ങളാണ് വിതരണം ചെയ്തത്.