കൊച്ചി: സംസ്ഥാന സഹകരണ കാർഷിക ഗ്രാമവികസന ബാങ്ക് ഏർപ്പെടുത്തിയ മികച്ച റിക്കവറി പ്രവർത്തനങ്ങൾക്കുള്ള പുരസ്‌കാരം കണയന്നൂർ താലൂക്ക് സഹകരണ കാർഷിക ഗ്രാമ വികസന ബാങ്കിന് ലഭിച്ചു. തിരുവനന്തപുരം ജവഹർ സഹകരണഭവനിൽ നടന്ന ചടങ്ങിൽ സഹകരണവകുപ്പ് മന്ത്റി വി.എൻ. വാസവനിൽ നിന്ന് ബാങ്ക് ഭരണസമിതി അംഗം എം.ഐ. അബ്ദുൽ റഹീം, അസിസ്റ്റന്റ് സെക്രട്ടറി പി.എസ്. സിജു, കെ.എസ്.സി.എ.ആർ.ഡി.ബി ജില്ലാ റീജിയണൽ മാനേജർ പി.എ. മർക്കോസ് എന്നിവർ ഏറ്റുവാങ്ങി. കഴിഞ്ഞ നാലു വർഷവും തുടർച്ചയായി സംസ്ഥാനതലത്തിൽ മികച്ച പ്രവർത്തനത്തിനുള്ള ഒന്നാം സ്ഥാനം ബാങ്കിന് ലഭിച്ചിരുന്നു.