പെരുമ്പാവൂർ: പെരുമ്പാവൂർ ഉപജില്ലാ സ്‌കൂൾ കലോത്സവം 22 മുതൽ 25 വരെ വെങ്ങോല ശാലോം വൊക്കേഷണൽ ഹയർ സെക്കൻഡറി, ശാലോം ഇംഗ്ലീഷ് മീഡിയം, മാർത്തോമ എൽ.പി സ്‌കൂളുകളിൽ 11 വേദികളിലായി നടക്കും. 22 ന് രാവിലെ 9ന് എ.ഇ.ഒ ഒ.കെ. ബിജിമോൾ പതാക ഉയർത്തും. തുടർന്ന് രചന മത്സരങ്ങൾ വിവിധ ക്ലാസ് റൂമുകളിലായി നടക്കും. 23ന് വൈകിട്ട് മൂന്നിന് ബെന്നി ബഹന്നാൻ എം.പി 64-ാമത് കലോത്സവം ' ഉദ്ഘാടനം ചെയ്യും.
യാക്കോബായ സഭ പെരുമ്പാവൂർ മേഖലാ മെത്രോപ്പൊലീത്ത മാത്യൂസ് മോർ അപ്രേം അനുഗ്രഹ പ്രഭാഷണം നടത്തും. ലോഗോ തയ്യാറാക്കിയ തണ്ടേക്കാട് ജമാഅത്ത് ഹയർ സെക്കൻഡറി സ്‌കൂൾ വിദ്യാർത്ഥി പി.എൻ. മുഹമ്മദ് നിഹാലിനെ യോഗത്തിൽ ആദരിക്കും. എൽദോസ് കുന്നപ്പിള്ളി എം.എൽ.എ അദ്ധ്യക്ഷത വഹിക്കും.
സമാപന സമ്മേളനം 25ന് വൈകിട്ട് 7ന് നടക്കും. വാർത്താസമ്മേളനത്തിൽ സംഘാടക സമിതി ചെയർമാൻ പി.പി. എൽദോസ്, ജനറൽ കൺവീനർ പ്രിൻസിപ്പൽ രാജേഷ് മാത്യു, എ.ഇ.ഒ ഒ.കെ. ബിജിമോൾ, സ്‌കൂൾ മാനേജർ അനീഷ് ജേക്കബ്, പബ്ലിസിറ്റി കമ്മിറ്റി കൺവീനർ എം.ഐ. മുഹമ്മദ് റാഫി (കെ.എസ്.ടിയു), റിസപ്ഷൻ കമ്മിറ്റി കൺവീനർ കെ.എ. നൗഷാദ്, പ്രോഗാം കമ്മിറ്റി കൺവീനർ ആർ. പ്രീത, ഫൈനാൻസ് കമ്മിറ്റി കൺവീനർ കമാണ്ടർ പൗലോസ് തേപ്പാല, ജോ. ജനറൽ കൺവീനർ പ്രീത മാത്യു, പിടിഎ വൈസ് പ്രസിഡന്റ് ബിനു വി. മാത്യു എന്നിവർ പങ്കെടുത്തു.