പെരുമ്പാവൂർ: എസ്.എൻ.ഡി.പി യോഗംഇരിങ്ങോൾ ശാഖയുടെ കീഴിലുള്ള ഗുരുദർശന പ്രാർത്ഥന കുടുംബ യൂണിറ്റിന്റെ ആഭിമുഖ്യത്തിൽ മഹാത്മാഗാന്ധി ശ്രീനാരായണ ഗുരുവിനെ ശിവഗിരിയിൽ സന്ദർശിച്ചതിന്റെ ശതാബ്ദി ആഘോഷം സംഘടിപ്പിച്ചു. ശാഖാ പ്രസിഡന്റ്‌ എം വസന്തൻ നങ്ങേലിയുടെ അദ്ധ്യക്ഷതയിൽ നടന്ന യോഗത്തിൽ ഗുരുകുലം ട്രസ്റ്റ്‌ മുൻ സെക്രട്ടറി പ്രൊഫ. ഡോ.ആർ. അനിലൻ മുഖ്യ പ്രഭാഷണം നടത്തി.ശാഖാ സെക്രട്ടറി കെ. എൻ. മോഹനൻ, വൈസ് പ്രസിഡന്റ്‌ സി.വി. ജിനിൽ, ഗുരുകുലം സ്റ്റഡി സർക്കിൾ സ്റ്റേറ്റ് കോ- ഓർഡിനേറ്റർ എം.എസ്. സുരേഷ്, വനിതാ സംഘം പ്രസിഡന്റ്‌ ഓമന സുബ്രഹ്മണ്യൻ, യൂണിറ്റ് കൺവീനർ ടി.കെ. ശിവരാജൻ, മോഹനൻ ഏ.കെ. എന്നിവർ സംസാരിച്ചു