• ഉടൻ പണം അടയ്ക്കണമെന്ന് ദേവസ്വം ബോർഡ് നോട്ടീസ്

കൊച്ചി: തൃപ്പൂണിത്തുറ ശ്രീപൂർണത്രയീശ ക്ഷേത്രത്തിലെ വൃശ്ചികോത്സവത്തിന് ഉപദേശക സമിതിയുടെ നേതൃത്വത്തിലുള്ള ഉത്സവാഘോഷ കമ്മിറ്റി ഭക്തരിൽനിന്ന് പിരിച്ചെടുത്ത 30 ലക്ഷത്തോളം രൂപയെക്കുറിച്ച് വിവരമൊന്നുമില്ല. ഉത്സവനടത്തിപ്പ് കൊച്ചിൻ ദേവസ്വംബോർഡ് ഏറ്റെടുത്തപ്പോൾ പണം ഉടനെ തിരികെഅടയ്ക്കാൻ കമ്മിറ്റിക്ക് ഒക്ടോബർ മൂന്നിന് ചേർന്ന യോഗത്തിൽ നിർദ്ദേശം നൽകിയിരുന്നു. പി​ന്നീട് പണം ആവശ്യപ്പെട്ട് തൃപ്പൂണി​ത്തുറ ദേവസ്വം ഓഫീസർ ഉപദേശകസമി​തി​ പ്രസി​ഡന്റ് ടി​.ജി​. വേണുഗോപാലി​ന് ഒക്ടോബർ 16ന് നോട്ടീസ് നൽകി​യെങ്കി​ലും ഫലമുണ്ടായി​​ല്ല. ഇനി​യും വൈകി​യാൽ നി​യമനടപടി​കളി​ലേക്ക് ബോർഡ് കടന്നേക്കും. ഉപദേശകസമി​തി​യുടെ പേരി​ൽ ബാങ്കി​ൽ 23ലക്ഷംരൂപയുണ്ട്. ഇന്നലെ ഉപദേശക സമി​തി​യോഗം ചേർന്നി​ട്ടുണ്ട്. തീരുമാനങ്ങൾ വെളി​പ്പെടുത്തി​യി​ട്ടി​ല്ല. ട്രഷററായ ദേവസ്വം ഓഫീസർ യോഗത്തി​ൽനി​ന്ന് വി​ട്ടുനി​ന്നു.

ഉത്സവപരി​പാടി​കൾ നി​ർണയി​ക്കുന്നതി​ൽ ബാഹ്യഇടപെടലുകളും മേളം ഒരു പ്രമുഖകലാകാരന് മാത്രമായി​ നൽകണമെന്ന നി​ർബന്ധബുദ്ധി​യേയും തുടർന്നുള്ള പ്രശ്നങ്ങളാണ് ഉത്സവകമ്മി​റ്റി​യി​ൽ അന്ത:ഛി​ദ്രമുണ്ടാകാൻ കാരണമായത്. 19അംഗകമ്മി​റ്റി​യി​ലെ പത്തുപേരും രാജി​വച്ചു തുടർന്നാണ് ദേവസ്വം ഉത്സവം ഏറ്റെടുത്തത്. ദേവസ്വത്തി​ന്റെ നേതൃത്വത്തി​ൽ ഒരുക്കങ്ങൾ പുരോഗമി​ക്കുന്നുണ്ട്.

• കണക്ക് നോക്കി​യശേഷം പണംനൽകും

ഉപദേശകസമി​തി​ ഭക്തരി​ൽനി​ന്ന് പി​രി​ച്ച പണം കണക്ക് നോക്കി​യശേഷം തി​രി​കെനൽകും. ഫണ്ട് പി​രി​ക്കാനായി​അംഗങ്ങൾക്ക് നൽകി​യ രശീത് ബുക്കുകൾ മുഴുവൻ തി​രി​കെ എത്തി​യി​ട്ടി​ല്ല. വരവ് ചെലവുകൾ പരി​ശോധി​ക്കേണ്ട താമസം മാത്രമേയുള്ളൂ.

ശ്രീറാം അയ്യർ, ഓഡി​റ്റർ

ഉപദേശകസമി​തി​

• ഉത്സവ ചെലവ് 2 കോടി​

രണ്ട് കോടി​യോളം രൂപയാണ് വൃശ്ചി​കോത്സവത്തി​ന് ചെലവ് വരി​ക. കൊച്ചി​ൻ ദേവസ്വംബോർഡി​ന്റെ നേതൃത്വത്തി​ൽ ഉത്സവത്തി​നുള്ള ഒരുക്കങ്ങൾ പുരോഗമി​ക്കുകയാണ്. ഉത്സവപ്പി​രി​വ് ഇന്നലെവരെ 30 ലക്ഷംരൂപ കഴി​ഞ്ഞു. കലാപരി​പാടി​കൾ തീരുമാനി​ക്കൽ അന്തി​മഘട്ടത്തി​ലാണ്. നാൽപ്പതോളം ഗജരാജന്മാരെയും നി​ശ്ചയി​ച്ചു.