പെരുമ്പാവൂർ: വെങ്ങോല പഞ്ചായത്ത് നെടുംതോട് 7-ാം വാർഡ് കോൺഗ്രസ് കുടുംബ സംഗമം ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ ഉദ്ഘാടനം ചെയ്തു. വാർഡ് പ്രസിഡന്റ് വി.എം. അബദുൽ റഹ്മാന്റെ അദ്ധ്യക്ഷതയിൽ നടന്ന യോഗത്തിൽ ബ്ലോക്ക് വൈസ് പ്രസിഡന്റ് എം.എം ഷാജഹാൻ, മണ്ഡലം പ്രസിഡന്റ് സി.എം. അഷ്‌റഫ് , യു.ഡി.എഫ് കൺവീനർ പി.കെ മുഹമ്മദ് കുഞ്ഞ്, വി.എച്ച്. മുഹമ്മദ് , പഞ്ചായത്ത് പ്രസിഡന്റ്പി.പി. എൽദോസ് , മുൻപ്രസിഡന്റ് ഷിഹാബ് പള്ളിക്കൽ, ടി.എച്ച്. സബീദ്, അലിമൊയ്തീൻ എന്നിവർ സംസാരിച്ചു.