പറവൂർ: വടക്കേക്കര വിജ്ഞാന പ്രകാശകസംഘം ചക്കുമരശേരി ശ്രീകുമാരമഗണേശമംഗലം മഹാക്ഷേത്രത്തിൽ മാതൃസംഘടനയുടെ നേതൃത്വത്തിൽ സ്കന്ദപുരാണ ജ്ഞാനയജ്ഞത്തിനും സ്കന്ദഷഷ്ഠി മഹോത്സവവും തുടങ്ങി. ആചാര്യവരണത്തിന് ശേഷം കെ.കെ. അനിരുദ്ധൻ തന്ത്രി വിഗ്രഹ പ്രതിഷ്ഠ നടത്തി. യജ്ഞ സമാരംഭസഭ ശബരിമല മുൻ മേൽശാന്തി മഹേഷ് നമ്പൂതിരി ഉദ്ഘാടനം ചെയ്തു. സംഘം പ്രസിഡന്റ് കെ.ജി. ശശിധരൻ അദ്ധ്യക്ഷനായി. ഭാഗവത ആചാര്യൻ ഡോ. മണികണ്ഠൻ പള്ളിക്കലിനെ ആദരിച്ചു.

കെ.കെ. അനിരുദ്ധൻ തന്ത്രി മാഹാത്മ്യ പ്രഭാഷണം നടത്തി. മാതൃസംഘടനാ പ്രസിഡന്റ് സുനി സതീശൻ, സെക്രട്ടറി ജലജ സുന്ദരൻ എന്നിവർ സംസാരിച്ചു. 25 വരെ യജ്ഞശാലയിൽ മഹാഗണപതിഹോമം, സുബ്രഹ്മണ്യ പാരായണം, പ്രഭാഷണം, പ്രസാദഊട്ട്, ദീപാരാധന, നാമസങ്കീർത്തനം എന്നിവ നടക്കും. സ്കന്ദഷഷ്ഠി മഹോത്സവദിനമായ 27ന് രാവിലെ സുബ്രഹ്മണ്യ അഷ്ടോത്തര ശതനാമാർച്ചന, തൈലാഭിഷേകം. പഞ്ചവിംശതി കലശപൂജ, സമൂഹാർച്ചന, കലശാഭിഷേകം. വൈകിട്ട് ദീപാരാധന, ഭസ്മാഭിഷേകം എന്നിവ നടക്കും.