കൊച്ചി: എംപ്ലോയീസ് പ്രോവിഡന്റ് ഫണ്ട് ഓർഗനൈസേഷനും (ഇ.പി.എഫ്.ഒ) എംപ്ലോയീസ് സ്റ്റേറ്റ് ഇൻഷ്വറൻസ് കോർപ്പറേഷനും (ഇ.എസ്.ഐ.സി) സംയുക്തമായി ജനസമ്പർക്ക പരിപാടി നടത്തുന്നു. മട്ടാഞ്ചേരി ഇന്ത്യൻ ചേംബർ ഒഫ് കൊമേഴ്‌സ് ആൻഡ് ഇൻഡസ്ട്രി ഹാളിൽ 27ന് രാവിലെ 10ന് ആരംഭിക്കും. ഇ.പി.എഫ്.ഒ, ഇ.എസ്.ഐ.സി ഉദ്യോഗസ്ഥർ പരാതി പരിഹരിക്കാൻ നടപടി സ്വീകരിക്കും. പരാതി സമർപ്പിക്കാൻ ആവശ്യമായ രേഖകളുമായി എത്തണമെന്ന് എൻഫോഴ്‌സ്‌മെന്റ് ഓഫീസർ അറിയിച്ചു.