പറവൂർ: വടക്കേക്കര ഗ്രാമപഞ്ചായത്ത് പന്ത്രണ്ടാം വാർഡിൽ എം.എൽ.എ ആസ്തി വികസന സ്കീമിൽ 29.80 ലക്ഷം രൂപ ചെലവിൽ നിർമ്മിച്ച സുഭാഷ് നഗർ ലിങ്ക് റോഡ് പ്രതിപക്ഷനേതാവ് വി.ഡി. സതീശൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് രശ്മി അനിൽകുമാർ അദ്ധ്യക്ഷയായി. ജില്ലാ പഞ്ചായത്ത് അംഗം എ.എസ്. അനിൽകുമാർ, ബാബു തമ്പുരാട്ടി, ടി.കെ. ഷാരി, കെ.ടി. നിധിൻ, മിനി ഉദയൻ, അജിത ഷൺമുഖൻ, മിനി വർഗീസ് മാണിയാറ, അനിൽ ഏലിയാസ്, വർഗീസ് മാണിയാറ, ജോർജ് തച്ചിലേടത്ത്, മധുലാൽ, വർഗീസ് ചൂളപറമ്പിൽ എന്നിവർ പങ്കെടുത്തു.