കൊച്ചി : എട്ടു മാസത്തിലേറെയായി സമരം ചെയ്യുന്ന ആശാ വർക്കർമാരെ സർക്കാരും സി.പി.എമ്മും വേട്ടയാടുന്നത് നിറുത്തി വേതന വർദ്ധനവ് നടപ്പാക്കണമെന്ന് മഹിള കോൺഗ്രസ് സംസ്ഥാന പ്രസിഡന്റ് ജെബി മേത്തർ എം.പി ആവശ്യപ്പെട്ടു.

ക്ലിഫ് ഹൗസിലേക്ക് മാർച്ച് ചെയ്ത ആശമാരെ പൊലീസ് ആക്രമിക്കുകയായിരുന്നു. സ്ത്രീകൾക്ക് നേരെ ജലപീരങ്കി പ്രയോഗിക്കരുതെന്ന സാമാന്യതത്വം പോലും ലംഘിച്ചു. സ്ത്രീകളോടുള്ള പിണറായി വിജയന്റെ സമീപനമാണ് ആശമാരോടും കാണിക്കുന്നത്.

സർക്കാർ നിയോഗിച്ച കമ്മിറ്റി ശുപാർശ ചെയ്ത 1000-1500 രൂപ വേതന വർദ്ധനവ് നടപ്പാക്കാത്തത് ധിക്കാരമാണ്. സമരം മഹിള കോൺഗ്രസ് ഏറ്റെടുക്കുമെന്നും ജെബി മേത്തർ പറഞ്ഞു.