ആലുവ: മലേഷ്യയിൽ ഇന്നാരംഭിക്കുന്ന അണ്ടർ 23 ഏഷ്യൻ ബീച്ച് വടംവലി ചാമ്പ്യൻഷിപ്പിൽ പങ്കെടുക്കുന്ന ഇന്ത്യൻ ടീമിൽ ആലുവ സെന്റ് സേവ്യേഴ്സ് കോളേജിലെ ദേവിക എസ്. നായരും. ഒന്നാം വർഷ ഇക്കണോമിക്സ് ബിരുദ വിദ്യാർത്ഥിയാണ്. 2025ൽ മഹാരാഷ്ട്രയിൽ നടന്ന ദേശീയ വടംവലി മത്സരത്തിൽ സ്വർണം നേടിയ കേരള ടീമിലെ അംഗമായിരുന്നു ദേവിക. തൊടുപുഴ പുതിയേടത്ത് വീട്ടിൽ സന്തോഷ് കുമാറിന്റെയും മായയുടെയും മകളാണ്. സെന്റ് സേവ്യേഴ്സ് കോളേജിൽ റെനീഷ് മുഹമ്മദിന്റെയും രാഹുൽ കൃഷ്ണയുടെയും നേതൃത്വത്തിലാണ് പരിശീലനം നടത്തുന്നത്.