പെരുമ്പാവൂർ: മഹാത്മാഗാന്ധി ശിവഗിരിയിലെത്തി ശ്രീനാരായണ ഗുരുവിനെ സന്ദർശിച്ചതിന്റെ ശതാബ്ദി ആഘോഷം നാരായണ ഗുരുകുലം സ്റ്റഡി സർക്കിൾ എറണാകുളം ജിളാ സമിതിയുടെയും എസ്.എൻ.ഡി.പി യോഗം മേതല ശാഖയുടെയും ആഭിമുഖ്യത്തിൽ ശാഖാ ഹാളിൽ സംഘടിപ്പിക്കും. നാളെ വൈകിട്ട് ആറിന് ശാഖാ സെക്രട്ടറി പി.സി. ബിജുവിന്റെ അദ്ധ്യക്ഷതയിൽ നടക്കുന്ന ആഘോഷപരിപാടികൾ ഗുരുകുലം സ്റ്റഡി സർക്കിൾ സ്റ്റേറ്റ് കോ- ഓർഡിനേറ്റർ എം.എസ്. സുരേഷ് ഉദ്ഘാടനം ചെയ്യും. ഗുരുകുലം ട്രസ്റ്റ്‌ മുൻ സെക്രട്ടറി പ്രൊഫ. ഡോ. ആർ. അനിലൻ മുഖ്യപ്രഭാഷണം നടത്തും.സ്റ്റഡി സർക്കിൾ ജില്ലാ കാര്യദർശി സി. എസ്. പ്രതീഷ്, യൂണിയൻ കമ്മിറ്റി അംഗം എൻ.എൻ. കുഞ്ഞ്, ശാഖാ വനിതാ സംഘം പ്രസിഡന്റ്‌ ശ്യാമള എം.കെ., കൺവീനർമാരായ പി. എൻ. രാജൻ, ഷിജി രജീവൻ പ്രോഗ്രാം കോ -ഓർഡിനേറ്റർ പ്രണവം സുനിൽ എന്നിവർ സംസാരിക്കും.