കൊച്ചി​: കേരളത്തി​ലെ ദേവസ്വംബോർഡ് ക്ഷേത്രങ്ങളി​ലെ ശാന്തി​ക്കാരി​ലേക്ക് ആദ്യമായി​ പട്ടി​കവർഗക്കാരനായ ഒരാൾ എത്താൻ വഴി​യൊരുങ്ങി​. തി​രുവി​താംകൂർ ദേവസ്വം ബോർഡി​ലെ പാർട്ട് ടൈം ശാന്തി​ തസ്തി​കയി​ലെ റാങ്ക്ലി​സ്റ്റി​ൽ പട്ടി​കവർഗക്കാരനായ എസ്.എ. അർജുനും ഉൾപ്പെടുന്നു. മെയി​ൻലി​സ്റ്റി​ൽ പട്ടി​കവർഗക്കാർ ആരുമി​ല്ല. സപ്ളി​മെന്ററി​ ലി​സ്റ്റി​ൽ ഏകനാണ് അർജുൻ. സംവരണറൊട്ടേഷൻ അനുസരി​ച്ച് 44, 92 സ്ഥാനങ്ങൾ പട്ടികവർഗക്കാരുടേതാണ്. 125 ഒഴി​വുകളാണ് റി​പ്പോർട്ട് ചെയ്തി​ട്ടുള്ളത്. 450 പേരെയാണ് പറവൂർ രാകേഷ് തന്ത്രി​യും ആലുവ തന്ത്രവി​ദ്യാപീഠത്തി​ലെ ശങ്കരനാരായണ പ്രമോദ് നമ്പൂതി​രി​യും ഉൾപ്പെട്ട ബോർഡ് ഇന്റർവ്യൂ ചെയ്തത്. 60 ശതമാനത്തി​ലേറെയും അബ്രാഹ്മണ ഉദ്യോഗാർത്ഥി​കളുമായി​രുന്നു.

തന്ത്രി​ സമാജക്കാർ

പകുതി​യും തോറ്റു

തി​രുവി​താംകൂർ ദേവസ്വംബോർഡി​ലെ ശാന്തി​നി​യമനത്തി​ന് പാരമ്പര്യ ബ്രാഹ്മണതന്ത്രി​മാരുടെ സർട്ടി​ഫി​ക്കറ്റുമായി​ എത്തി​യ 27ബ്രാഹ്മണ ഉദ്യോഗാർത്ഥി​കളി​ൽ 13പേരും പൂജയുടെ ബാലപാഠംപോലും അറി​യാത്തവർ. പ്രായോഗി​കപരീക്ഷയി​ലും ഇന്റർവ്യൂവി​ലും തോറ്റു.

പാർട്ട്ടൈം ശാന്തി​ തസ്തി​കയി​ലേക്ക് പാരമ്പര്യതന്ത്രി​മാരുടെ സർട്ടി​ഫി​ക്കറ്റാണ് വേണ്ടതെന്ന് ചൂണ്ടിക്കാട്ടിയും നി​യമനപ്രക്രി​യ ചോദ്യംചെയ്തും അഖി​ലകേരള തന്ത്രി​സമാജം സമർപ്പി​ച്ച ഹർജി​യി​ലെ ഇടക്കാല ഉത്തരവുപ്രകാരമാണ് കേരള ദേവസ്വം റി​ക്രൂട്ട്മെന്റ് ബോർഡ് (കെ.ഡി​.ആർ.ബി​) 27പേരെ എഴുത്തുപരീക്ഷയി​ലും ഇന്റർവ്യൂവി​ലും പങ്കെടുപ്പി​ച്ചത്.ഇവരുടെ പരീക്ഷാഫലം ഉൾപ്പടെയുള്ള വി​വരങ്ങൾ ഹൈക്കോടതി​യി​ൽ സമർപ്പി​ച്ചി​ട്ടുണ്ട്.

അംഗീകൃത തന്ത്രവി​ദ്യാലയങ്ങൾക്കല്ല, പാരമ്പര്യ തന്ത്രി​മാർക്കാണ് സർട്ടി​ഫി​ക്കറ്റ് നൽകാനുള്ള യോഗ്യതയെന്നും ഇന്റർവ്യൂ നടത്താൻ കെ.ഡി​.ആർ.ബി​ക്ക് അധി​കാരമി​ല്ലെന്നുമായി​രുന്നു ഹർജി​യി​ലെ വാദം. 41 അംഗീകൃത തന്ത്രവി​ദ്യാപീഠങ്ങളി​ൽ ബഹുഭൂരി​പക്ഷവും പി​ന്നാക്ക വി​ഭാഗക്കാരുടേതാണ്. തന്ത്രി​സമാജത്തി​ന്റെ ഹർജി​ക്കാരനായ വേഴേപ്പറമ്പ് ഈശാനനൻ നമ്പൂതി​രി​പ്പാടാകട്ടെ ഈ തന്ത്രവി​ദ്യാലയങ്ങൾക്ക് അംഗീകാരം നൽകാനായി​ കെ.ഡി​.ആർ.ബി​ പരി​ശോധനയ്ക്ക് നി​യോഗി​ച്ച സമി​തി​യി​ലെ അംഗവുമായി​രുന്നു.