പറവൂർ: തുലാമാസത്തിലെ ഷഷ്ഠിദിനമായ ഇന്ന് ക്ഷേത്രങ്ങളിൽ സ്കന്ദഷഷ്ഠി ആഘോഷിക്കും. വടക്കേക്കര ചക്കുമരശേരി കുമാരഗണേശമംഗലം മഹാക്ഷേത്രത്തിൽ രാവിലെ 9ന് പഞ്ചവിംശതി കലശപൂജ, സമൂഹാർച്ചന, 10ന് കലശപ്രദക്ഷിണം, വൈകിട്ട് ഭസ്മാഭിഷേകം.

 പറവൂത്തറ കുമാരമംഗലം ക്ഷേത്രത്തിൽ രാവിലെ 10.30ന് അഭിഷേകം, 12ന് ഷഷ്ഠിഊട്ട്.

 മന്നം സുബ്രഹ്മണ്യസ്വാമി ക്ഷേത്രത്തിൽ രാവിലെ ഏഴിന് സ്കന്ദപുരാണ പാരായണം. 9ന് കാവടിയാട്ടം, 11ന് അഭിഷേകം, 12.30ന് ഷഷ്ഠി ഊട്ട്, വൈകിട്ട് പഞ്ചവാദ്യം. വലിയപഴമ്പള്ളിതുരുത്ത് ധർമ്മപോഷിണി സഭ ശ്രീബാലസുബ്രഹ്മണ്യ സ്വാമി ക്ഷേത്രത്തിൽ രാവിലെ അഭിഷേകം, വിശേഷാൽപൂജ, വൈകിട്ട് ദീപക്കാഴ്ച.

നന്ത്യാട്ടുകുന്നം തോന്ന്യകാവ് സുബ്രഹ്മണ്യ സ്വാമിക്ഷേത്രത്തിൽ അഭിഷേകം, ശ്രീരുദ്രജപം, ഷഷ്ഠി വിശേഷാൽപൂജ, ഷഷ്ഠി ഊട്ട്, പഞ്ചാരിമേളം, ദീപക്കാഴ്ച.

 വാവക്കാട് വള്ളാട്ടുതറ സുബ്രഹ്മണ്യസ്വാമി ക്ഷേത്രത്തിൽ സർവൈശ്വര്യപൂജ, താലം, പ്രഭാഷണം.