കൊച്ചി: പ്രൊഫ. എം.കെ. സാനുവിന്റെ 98ാം ജന്മവാർഷികത്തിന്റെ ഭാഗമായി ഇന്ന് നഗരത്തിൽ വിവിധ പരിപാടികൾ നടക്കും.

എസ്.എൻ.വി. സദനത്തിൽ വൈകിട്ട് 5ന് എം.കെ.സാനുവും ഡോ. ടി.എസ്. ജോയിയും ചേർന്നെഴുതിയ മഹാകവി ഉള്ളൂർ: സാഹിത്യചരിത്രത്തിലെ ഭാസുര നക്ഷത്രം എന്ന പുസ്തകത്തിന്റെ പ്രകാശനം പ്രൊഫ. എം. തോമസ് മാത്യു നിർവഹിക്കും.

ചാവറ കൾച്ചറൽ സെന്ററിൽ രാവിലെ11ന് എം.കെ.സാനു ഫൗണ്ടേഷനും ചാവറ കൾച്ചറൽ സെന്ററും സംഘടിപ്പിക്കുന്ന സാനു ജയന്തി അനുസ്മരണ സമ്മേളനത്തിൽ ഡോ.എം.വി.നാരായണൻ സംസാരിക്കും.

മഹാരാജാസ് കോളേജിൽ രാവിലെ10ന് എം.കെ. സാനു സ്മരണയുടെ ഭാഗമായി 'വാഗർഥം" പ്രഭാഷണ പരമ്പര കെ.വി. രാമകൃഷ്ണൻ ഉദ്ഘാടനം ചെയ്യും.