കൊച്ചി: ചിന്മയ വിശ്വവിദ്യാപീഠം കല്പിത സർവകലാശാലയുടെ ലൈബ്രറി സമുച്ചയത്തിന് തറക്കല്ലിട്ടു. ഓണക്കൂറിലെ ലളിത പ്രതിഷ്ഠാനിൽ നടന്ന ചടങ്ങിൽ ചിന്മയ മിഷൻ ആഗോള മേധാവിയും ചിന്മയ വിശ്വവിദ്യാപീഠം കല്പിത സർവകലാശാലയുടെ ചാൻസലറുമായ സ്വാമി സ്വരൂപാനന്ദ സരസ്വതി ശിലാസ്ഥാപനം നടത്തി. ചിന്മയ മിഷൻ കേരളാ മേധാവി സ്വാമി വിവിക്താനന്ദ സരസ്വതി, ചിന്മയ ഇന്റർനാഷണൽ ഫൗണ്ടേഷനിലെ മുഖ്യആചാര്യൻ സ്വാമി ശാരദാനന്ദ സരസ്വതി തുടങ്ങിയവരുടെ സാന്നിദ്ധ്യത്തിലായിരുന്നു ശിലാസ്ഥാപനം.

ചിന്മയ വിശ്വവിദ്യാപീഠം കല്പിത സർവകലാശാല ആക്ടിംഗ് വൈസ് ചാൻസലർ പ്രൊഫ.ടി. അശോകൻ, രജിസ്ട്രാർ ഇൻ ചാർജ് ഡോ.പി. രാജേന്ദ്രൻ, ചിന്മയ മിഷൻ ഹൂസ്റ്റണിലെ ആചാര്യനായ ഗൗരംഗ് നാനാവതി, മാധവി വഡേര, ചിന്മയ വിശ്വവിദ്യാപീഠം ട്രസ്റ്റ് മാനേജിംഗ് ട്രസ്റ്റി ഡോ. അപ്പാറാവു മുക്കാമല, ജോയിന്റ് സെക്രട്ടറിമാരായ ബി. ഭവേഷ്, നേഹാ ബ്രൂട്ട തുടങ്ങിയവർ ചടങ്ങിൽ പങ്കെടുത്തു.