കട്ടപ്പന: വോട്ട് ചോരി സിഗ്‌നേച്ചർ ക്യാമ്പയിന്റെ കട്ടപ്പന മണ്ഡലംതല ഉദ്ഘാടനം എ.ഐ.സി.സി അംഗം അഡ്വ. ഇ.എം ആഗസ്തി നിർവഹിച്ചു. വോട്ട് കൊള്ള സംബന്ധിച്ച രാഹുൽഗാന്ധി പുറത്തുവിട്ടത് വെറും ആരോപണങ്ങളല്ല, ഞെട്ടിക്കുന്ന വസ്തുതകളാണെന്ന് അദ്ദേഹം പറഞ്ഞു. മണ്ഡലം പ്രസിഡന്റ് സിജു ചക്കുംമൂട്ടിൽ അദ്ധ്യക്ഷനായി. കെ.പി.സി.സി സെക്രട്ടറി തോമസ് രാജൻ മുഖ്യപ്രഭാഷണം നടത്തി. ഡി.സി.സി ജനറൽ സെക്രട്ടറി പി .ആർ അയ്യപ്പൻ,ബ്ലോക്ക് പ്രസിഡന്റ് തോമസ് മൈക്കിൾ, നഗരസഭ ചെയർപേഴ്സൻ ബീനാ ടോമി, നേതാക്കളായ ജോസ് മുത്തനാട്ട്, സിബി പാറപ്പായി, ഷാജി വെള്ളംമാക്കൽ, പി എസ് രാജപ്പൻ, ബിജു പൊന്നോലി, ബീനാ ജോബി, റിന്റോ വേലനാത്ത്, ജെസി ബെന്നി, പി എസ് മേരിദാസൻ, ഷിബു പുത്തൻപുരക്കൽ, ഷാജൻ എബ്രഹാം, ലിസി ജോണി എന്നിവർ സംസാരിച്ചു.