തൊടുപുഴ: നഗരത്തെ കൂരിരുട്ടിലാക്കിയുള്ള കെ.എസ്.ഇ.ബിയുടെ പ്രതികാര നടപടിയിൽ പ്രതിഷേധവുമായി തൊടുപുഴ മർച്ചന്റ്സ് അസോസിയേഷൻ. പകൽ ലൈറ്റ് തെളിഞ്ഞ് കിടന്നു എന്ന കാരണത്താൽ തൊടുപുഴ നഗരത്തിലെ സ്ട്രീറ്റ് ലൈറ്റുകളുടെ ഫ്യൂസുകൾ ഊരിയത് ധിക്കാരപരമായ നടപടിയാണെന്ന് അസോസിയേഷന്റെ അടിയന്തര സെക്രട്ടറിയേറ്റ് യോഗം വിലയിരുത്തി.പല നഗരങ്ങളിലും വ്യാപകമായ മോഷണവും പിടിച്ചുപറിയും നടക്കുന്ന വേളയിൽ അതിന് അവസരം ഒരുക്കിക്കൊടുക്കുംവിധം പ്രവർത്തിക്കുന്ന നടപടിയിൽ നിന്നും പിന്തിരിയണമെന്ന് പ്രസിഡന്റ് ഇൻചാർജ് കെ.പി ശിവദാസിന്റെ അദ്ധ്യക്ഷതയിൽ കൂടിയ സെക്രട്ടറിയേറ്റ് യോഗം ആവശ്യപ്പെട്ടു. തൊടുപുഴയിലെ വ്യാപാരികൾക്കും പൊതുജനങ്ങൾക്കും ഏറെ പ്രയാസം സൃഷ്ടിക്കുന്ന ഇത്തരം നടപടികൾക്കെതിരെ വൈദ്യുതി
മന്ത്രിക്ക് നിവേദനം കൊടുക്കാനും തീരുമാനിച്ചു. ജനറൽ സെക്രട്ടറി സി.കെ നവാസ്, വൈസ് പ്രസിഡന്റുമാരായ നാസർ സൈര, ഷെരീഫ് സർഗ്ഗം, ജോസ് തോമസ് കളരിക്കൽ, സെക്രട്ടറിമാരായ ഷിയാസ് എംപീസ്, ജഗൻ ജോർജ്, ലിജോൺസൺ ഹിന്ദുസ്ഥാൻ എന്നിവർ പങ്കെടുത്തു.