ഇടുക്കി: ഗാന്ധി ജയന്തിയോടനുബന്ധിച്ച് ജില്ലാ ഭരണകൂടവും ഇൻഫർമേഷൻപബ്ലിക് റിലേഷൻസ് വകുപ്പും ഉന്നതവിദ്യാഭ്യാസ വകുപ്പും സംയുക്തമായി, ജില്ലയിലെ കോളജുകളിൽ പഠിക്കുന്ന വിദ്യാർത്ഥികൾക്കായി സംഘടിപ്പിക്കുന്ന പ്രസംഗമത്സരം ഇന്ന് രാവിലെ 11.30 ന് കളക്ട്രേറ്റ് സമുച്ചയത്തിലെ ജില്ലാ ഇൻഫർമേഷൻ ഓഫീസ് മീഡിയ ഹാളിൽ നടക്കും. ഒന്നും രണ്ടും മൂന്നും സ്ഥാനങ്ങളിൽ എത്തുന്നവർക്ക് പുസ്തകങ്ങളും സർട്ടിഫിക്കറ്റും സമ്മാനം നൽകും. മഹാത്മാ ഗാന്ധിയുടെ ജീവിതം അടിസ്ഥാനമാക്കിയുള്ള വിഷയം മത്സരത്തിന് 10 മിനിറ്റ് മുമ്പ് നൽകും. പങ്കെടുക്കാനാഗ്രഹിക്കുന്നവർ കോളജ് ഐഡന്റിന്റി കാർഡും സ്വയം സാക്ഷ്യപ്പെടുത്തിയ പകർപ്പും സഹിതം രാവിലെ 11 ന് ജില്ലാ ഇൻഫർമേഷൻ ഓഫീസിലെത്തണം. ഇതുമായി ബന്ധപ്പെട്ട് സംഘടിപ്പിക്കുന്ന ചടങ്ങിൽ വിജയികൾക്ക് സമ്മാനം വിതരണം ചെയ്യും. കൂടുതൽ വിവരത്തിന് ജില്ലാ ഇൻഫർമേഷൻ ഓഫീസുമായി ബന്ധപ്പെടുക. ഫോൺ: 04862- 233036.