തൊടുപുഴ: ഇളംദേശം ബ്ലോക്ക് പഞ്ചായത്തിന് കീഴിലുള്ള ആലക്കോട്, കരിമണ്ണൂർ, കോടികുളം, കുടയത്തൂർ, ഉടുമ്പന്നൂർ, വണ്ണപ്പുറം, വെള്ളിയാമറ്റം എന്നീ ഏഴ് പഞ്ചായത്തുകളിൽ നടപ്പിലാക്കി വരുന്ന ഭാരതീയ പ്രകൃതി കൃഷി ക്ലസ്റ്ററുകളുടെ സംയുക്ത ആഭിമുഖ്യത്തിൽ കിസാൻ മേള സംഘടിപ്പിച്ചു. പന്നിമറ്റം സെന്റ് സെബാസ്റ്റ്യൻസ് ചർച്ച് പാരിഷ് ഹാളിൽ ഇളംദേശം ബ്ലോക്ക് പഞ്ചായത്ത് പ്രസിഡന്റ് ടോമി തോമസ് കാവാലം ഉദ്ഘാടനം ചെയ്തു.വെള്ളിയാമറ്റം പഞ്ചായത്ത് പ്രസിഡന്റ് മോഹൻദാസ് പുതുശ്ശേരി അദ്ധ്യക്ഷത വഹിച്ചു. കൃഷി ഡെപ്യൂട്ടി ഡയറക്ടർ എസ്, ആശ പദ്ധതി വിശദീകരണം നടത്തി. കർഷകർക്ക് വേണ്ടി പരമ്പരാഗത കാർഷിക ഉപകരണങ്ങൾ, കാർഷിക യന്ത്രോപകരണങ്ങൾ, ജൈവ വളക്കൂട്ടുകൾ, പച്ചക്കറി ഫലവൃക്ഷ തൈകൾ, കാർഷിക ഉൽപ്പന്നങ്ങൾ എന്നിവയുടെ സ്റ്റാളുകൾ മേളയോട് അനുബന്ധിച്ച് ഒരുക്കിയിരുന്നു.
അരിക്കുഴ ജില്ലാ മണ്ണ് പരിശോധനാ ലാബ് അസിസ്റ്റന്റ് സോയിൽ കെമിസ്റ്റ് ശശിലേഖ രാഘവൻ, ബിപികെപി റിസോർസ് പേഴ്സൺ ജോബി ഫ്രാൻസിസ് എന്നിവർ സെമിനാർ നയിച്ചു. വെള്ളിയാമറ്റം പഞ്ചായത്തിലെ എല്ലാ സ്‌കൂളുകളിലും നടപ്പിലാക്കിയ കൃഷി അങ്കണം പദ്ധതിയിൽ മികച്ച പ്രകടനം കാഴ്ച വെച്ച അനുഗ്രഹ നികേതൻ സ്‌പെഷ്യൽ സ്‌കൂൾ,സി.കെ.വി.എച്ച്.എസ്.എസ് വെള്ളിയാമറ്റം, ഗവ. ഹൈസ്‌കൂൾ പൂച്ചപ്ര, ഗവ. ട്രൈബൽ എൽ.പി സ്‌കൂൾ നാളിയാനി എന്നീ സ്‌കൂളുകൾക്ക് പുരസ്‌കാരങ്ങൾ വിതരണം ചെയ്തു. യോഗത്തിൽ ഇളംദേശം ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ സിബി ദാമോദരൻ, പഞ്ചായത്ത് വൈസ് പ്രസിഡന്റ് ഷേർളി ജോസുകുട്ടി, സ്റ്റാന്റിംഗ് കമ്മിറ്റി അംഗങ്ങളായ രാജു കുട്ടപ്പൻ, ഷെമിന അബദുൾ ഖരീം, രാജി ചന്ദ്രശേഖരൻ, ബോക്ക് പഞ്ചായത്ത് അംഗങ്ങളായ കെ. എസ്. ജോൺ, ടെസിമോൾ മാത്യു, പഞ്ചായത്ത് അംഗങ്ങളായ ഇന്ദു ബിജു,രാജേഷ് ഷാജി,രേഖ പുഷ്പരാജൻ, അഭിലാഷ് രാജൻ, കൃഷ്ണൻ വി. കെ., ലാലി ജോസി, കൃഷി അസിസ്റ്റന്റ് ഡയറക്ടർ ആഷ്ലി മറിയാമ്മ ജോർജ്ജ്, കൃഷി ഓഫീസർ നിമിഷ അഗസ്റ്റിൻ തുടങ്ങിയവർ പങ്കെടുത്തു.