കട്ടപ്പന: ഇരട്ടയാർ പഞ്ചായത്ത് പരിധിയിൽ മാലിന്യം തള്ളുന്നവരെ കണ്ടെത്താൻ വിവിധ സ്ഥലങ്ങളിൽ ക്യാമറകൾ സ്ഥാപിച്ചത് വിജയമെന്ന് ഭരണസമിതി. ആദ്യഘട്ടത്തിൽ വിവിധ വാർഡുകളിലായി 13 ഇടങ്ങളിൽ ക്യാമറ സ്ഥാപിച്ചിരുന്നു. ഇതിനുശേഷം മാലിന്യം തള്ളൽ തടയാൻ കഴിഞ്ഞു. പൊതുയിടങ്ങളിലും നിരത്തുകളിലും മാലിന്യം തള്ളിയവരെ ക്യാമറ ദൃശ്യങ്ങൾ പരിശോധിച്ച് കണ്ടെത്തി പിഴ ഈടാക്കിയതായി പ്രസിഡന്റ് ആനന്ദ് സുനിൽകുമാർ പറഞ്ഞു. ഇരട്ടയാർ നോർത്ത് ഡാം സൈറ്റ് റോഡ് ഭാഗത്താണ് വൻതോതിൽ മാലിന്യ തള്ളിയിരുന്നു. ഈ ഭാഗങ്ങളിലും ക്യാമറകൾ സ്ഥാപിച്ച് സാമൂഹിക വിരുദ്ധരെ കണ്ടെത്താൻ കഴിഞ്ഞതായും പ്രസിഡന്റ് പറഞ്ഞു.