കട്ടപ്പന: മലയോര ഹൈവേയിൽ സ്വരാജ് ഗവ. ട്രൈബൽ സ്‌കൂളിന് സമീപം കാറും ബുള്ളറ്റും കൂട്ടിയിടിച്ച് ബൈക്ക് യാത്രികന് പരിക്ക്. വ്യാഴാഴ്ച രാവിലെ 10നായിരുന്നു അപകടം. പെരുമ്പാവൂരിൽ നിന്ന് മൂന്നാർ ഭാഗത്തേക്ക് പോയ വിനോദസഞ്ചാരികളുടെ കാറും കട്ടപ്പന സ്വദേശി സഞ്ചരിച്ച ബൈക്കും തമ്മിലാണ് കൂട്ടിയിടിച്ചത്. ബൈക്ക് റോഡ് ക്രോസ് ചെയ്യുന്നതിനിടയിലാണ് കൂട്ടിയിടിച്ചത്. ഇടിയുടെ ആഘാതത്തിൽ കാറിന്റെ മുൻഭാഗം തകരുകയും ബുള്ളറ്റിന് കേടുപാടുകൾ സംഭവിക്കുകയും ചെയ്തു. പരിക്കേറ്റ കട്ടപ്പന സ്വദേശിയെ സ്വകാര്യ ആശുപത്രിയിലേയ്ക്ക് മാറ്റി. കട്ടപ്പന പൊലീസ് സ്ഥലത്തെത്തി.