തൊടുപുഴ: എസ്.എൻ.ഡി.പി യോഗം തൊടുപുഴ യൂണിയൻ യൂത്ത് മൂവ്‌മെന്റിന്റെ പുതിയ ഓഫീസ് ഉദ്ഘാടനം തൊടുപുഴ യൂണിയൻ ചെയർമാൻ ബിജു മാധവൻ നിർവഹിച്ചു. തൊടുപുഴ ടൗണിൽ ഡീപോൾ സ്‌കൂളിന് സമീപത്തായിട്ടാണ് പുതിയ ഓഫീസ് തുറന്നത്. കൺവീനർ പി.ടി. ഷിബു, യൂണിയൻ അഡ്മിനിസ്ട്രേറ്റീവ് കമ്മിറ്റി അംഗങ്ങളായ കെ.കെ. മനോജ് സ്മിത ഉല്ലാസ്, എ.ബി. സന്തോഷ്, യൂണിയൻ യൂത്ത് മൂവ്‌മെന്റ് പ്രസിഡന്റ് അഖിൽ സുഭാഷ്, സെക്രട്ടറി ശരത് പുളിമൂട്ടിൽ, കമ്മിറ്റി അംഗങ്ങളായ അമൽ ശശി, അരുൺ ബാലനാട്, ഷിനു ഷാജി, അക്ഷയ് ബിജു, അരുൺ കോടിക്കുളം, സോബിൻ മുള്ളരിങ്ങാട്, അനീഷ് പഴയരിക്കണ്ടം, യദുകൃഷ്ണൻ, ശ്രീജിത്ത് എന്നിവർ പങ്കെടുത്തു.