അടിമാലി: ജോസ് കെ മാണി എം. പിയുടെ പ്രാദേശിക വികസന ഫണ്ടിൽ നിന്ന് 15 ലക്ഷം രൂപ വിനിയോഗിച്ച് അടിമാലി പൊളിഞ്ഞപാലത്ത് അംഗൻവാടി കെട്ടിടം പണി കഴിപ്പിച്ചു.. ആധുനിക നിലവാരത്തിലാണ് അങ്കണവാടിയുടെ നിർമ്മാണം പൂർത്തിയാക്കിയിട്ടുള്ളത്.ജലവിഭവ മന്ത്രി റോഷി അഗസ്റ്റിൻ അംഗൻവാടിയുടെ ഉദ്ഘാടനം നിർവ്വഹിച്ചു.ജില്ലാ പഞ്ചായത്ത് പ്രസിഡന്റ് രാരിച്ചൻ നീർണാകുന്നേൽ അദ്ധ്യക്ഷത വഹിച്ചു. ഗ്രാമപഞ്ചായത്ത് അംഗങ്ങളായ എം.ആർ രഞ്ജിത, റൂബി സജി, മേരി തോമസ്, ശിശു വികസന പ്രോഗ്രാം ഓഫീസർ എം.യു ജമീല, സൂപ്പർവൈസർ സീനത്ത് കെ.കെ തുടങ്ങിയവർ പങ്കെടുത്തു.